«2025-ի կապիտալ ծախսերի շուրջ 56 տոկոսն ուղղվելու է պաշտպանության ոլորտին։ Այս ծախսերը կկազմեն 664 միլիարդ դրամ և դրանք 20 տոկոսով կգերազանցեն 2024-ի բյուջեով սահմանված պաշտպանական ոլորտի ծախսերը»,- ՀՀ ԱԺ ֆինանսավարկային եւ բյուջետային հարցերի մշտական հանձնաժողովի արտահերթ նիստի ժամանակ հայտարարեց ՀՀ ֆինանսների նախարար Վահե Հովհաննիսյանը՝ ներկայացնելով 2025-ի բյուջեի նախագիծը։
Նախարարը նշեց՝ 5,6 տոկոս տնտեսական աճ է պլանավորվում և 2025-ին տնտեսական աճը պայմանավորված կլինի հիմնականում ներքին պահանջարկով և արտահանման աճով։ Վահե Հովհաննիսյանը նշեց․ «Դեֆիցիտը կկազմի 5,5 տոկոս, և կարծում ենք՝ այս պայմաններում մենք ունենալու ենք կառավարության պարտք-ՀՆԱ ցուցանիշի ավելացում մինչև 53,5 տոկոս, սակայն կարծում ենք՝ տարբեր ռիսկերի նյութականացման պարագայում մենք կունենանք 60 տոկոսից ցածր մակարդակ։ Պարտքը կկայունացնենք 54 տոկոսի շրջանակներում»։
Տաթև ՀԱՐՈՒԹՅՈՒՆՅԱՆ
