«Կորցնելով վերահսկողությունը Սենատում և գրեթե տանուլ տալով նախագահության համար պայքարը՝ դեմոկրատների հույսը Ներկայացուցիչների տունն է, որտեղ կուսակցությունը փորձում է մեծամասնություն հաստատել փոքր առավելություն ունեցող հանրապետականների նկատմամբ», — գրում է The Wall Street Journal-ը։
Գործող Ներկայացուցիչների տունը վերահսկվում է հանրապետականների կողմից՝ անդամների 220-212 հարաբերակցությամբ։
435 անդամից բաղկացած մարմնում մեծամասնություն հաստատելու համար անհրաժեշտ է առնվազն 218 ներկայացուցիչ։
Սակայն, ըստ The Wall Street Journal պարբերականի՝ այս պահին առաջատար են հանրապետականները՝ 194 ընտրված ներկայացուցիչով։ Դեմոկրատներից առայժմ 173 ներկայացուցիչ է ընտրվել:
Կարդացեք նաև
Ավելի վաղ, հաղթանակ արձանագրած նախագահի թեկնածու Դոնալդ Թրամփը վստահություն է հայտնել, որ իր առաջնորդած կուսակցությունը վերահսկողություն կունենա Ներկայացուցիչների տանը նույնպես։
Եթե օրենսդիրի ստորին պալատում հանրապետականները պահպանեն մեծամասնությունը, դա կլինի 2016-ի ընտրություններից հետո առաջին դեպքը, երբ և’ Սպիտակ տանը, և’ Սենատում և’ Ներկայացուցիչների տանը հանրապետականներն են իշխում։
Նորընտիր Կոնգրեսի լիազորությունները մեկնարկում են 2025 թվականի հունվարի 3-ին։
Նախագահի պաշտոնի ստանձնման օր է նշանակված հունվարի 20-ը։
Արսեն ԱՅՎԱԶՅԱՆ
Քարտեզը՝ The Wall Street Journal-ի
