«Հայերի էթնիկ զտման մեջ մեղավոր» Ադրբեջան էկոակտիվիստ Գրետա Թունբերգը չի մեկնի. հայտնում է «Ազատություն»-ը: Թույլ տալ նավթային ռեժիմին անցկացնել կլիմայական համաժողով, ըստ էկոակտիվիստի, «կեղծավորություն» է թե՛ Ադրբեջանի բնակիչների, թե՛ հայերի հանդեպ, թե՛ կլիմայի հանդեպ:
Գրետա Թունբերգն այժմ Վրաստանում է: Blankspot-ի հետ հարցազրույցում Թունբերգը կիսվել է իր պլաններով. նա ծրագրում է մնալ Վրաստանում մինչև COP29-ի սկիզբը, հետո Հայաստան մեկնել։
Blankspot-ը հիշեցնում է՝ անցած տարվա գարնանը Գրետա Թունբերգին սատարող հայտարարություն էր արել Ադրբեջանի արտաքին գործերի նախարարությունը, երբ էկոակտիվիստը ցույցից հետո ձերբակալվել էր հոլանդական ոստիկանության կողմից: Ադրբեջանն ընդգծել էր COP29-ի ընթացքում կլիմայի ակտիվիստներին ազատ ցույց անելու հնարավորություն տալու կարևորությունը:
«Աբսուրդ է, որ ավտորիտար ռեժիմն ինձ օգտագործում է որպես պատրվակ՝ արդարացնելու մարդու իրավունքների իր խախտումները, (հայ) ռազմագերիներին, այլախոհներին պատանդ վերցնելը, իսկ հետո համերաշխություն է հայտնում ինձ հետ՝ ցույցի հետևանքով կալանքի տակ գտնվելու համար»,- նշել է էկոակտիվիստը:
Կարդացեք նաև
