«Դուք խմորում եք անվանում, ես աշխատանքային գործընթաց կանվանեի։ Պարտադիր չէ, որ թիմում բոլորը միակարծիք լինեն։ Չեմ համարում, որ դրանք մեծ պրոբլեմներ են»,- լրագրողները հետաքրքրվեցին՝ ի՞նչ խմորումներ են ՔՊ-ի ներսում, ՀՀ ԱԺ-ում այսպես պատասխանեց ՀՀ տարածքային կառավարման և ենթակառուցվածքների նախարար Գնել Սանոսյանը։
Ըստ նրա՝ «Մենք անընդհատ զբաղվում ենք ինքնաքննադատություններով, ինչն օգտակար է բոլորիս համար»։ Լրագրողները հետաքրքրվեցին ՔՊ վարչության նիստին ով ինչի համար է քննադատել, Գնել Սանոսյանն ասաց՝ մանրամասնելու կարիք չկա։
Փաստմանը՝ վերջին հարցումները ցույց տվեցին, որ ՔՊ-ն չունի նախկին վստահությունը և հարցրին՝ ի՞նչ քայլեր են անում վստահությունը վերականգնելու համար, նախարարը պատասխանեց․ «Հարցումները չեմ նայել, տոկոսներին ծանոթ չեմ, մեր մի շարք հանդիպումներ, այցեր այլ բաների մասին են վկայում»։
Կարդացեք նաև
Լրագրողների դիտարկմանը՝ տեսակետ է հնչում, որ շատ դեպքերում ՀՀ վարչապետ Նիկոլ Փաշինյանի՝ մարզային այցերի ժամանակ «մասսովկաներ» ապահովելու խնդիր է լինում, Գնել Սանոսյանն արձագանքեց․ «Որպես տարածքային կառավարման և ենթակառուցվածքների նախարար, որը հիմնականում մասնակցություն ունի մարզային այցելություններին, կարող եմ վստահեցնել, որ նման կարիք չկա էլ, չի էլ եղել»։
Տաթև ՀԱՐՈՒԹՅՈՒՆՅԱՆ
