1 միլիարդից մի փոքր ավելի դրամ Հայաստանը ծախսել է Մարգարայի անցակետի վերազինման համար․ խորհրդարանում լրագրողների հետ զրույցում ասաց ՊԵԿ նախագահ Ռուստամ Բադասյանը։
«Կար պայմանավորվածություն, որը վերաբերում էր երրորդ երկրի եւ դիվանագիտական անձնագիր ունեցող անձանց համար շարժն ապահովել, դրա համար ենք շտապել։ Կառուցման աշխատանքներն արել ենք, ձեռք բերված պայմանավորվածությունների, գործել-չգործելու մասով հարցին չեմ կարող պատասխանել»,- ասաց նա՝ պատասխանելով հարցին՝ ինչո՞վ էր պայմանավորված հայկական կողմի շտապողականությունը՝ Մարգարայի մաքսակետի վերազինման հարցում։
«Մենք ստեղծել ենք պայմաններ՝ նշվածս կատեգորիայի քաղաքացիների հոսքը ապահովելու համար»,- ասաց Ռուստամ Բադասյանը. հայ-թուրքական սահմանին եւ տարածաշրջանային ապաշրջափակմանը վերաբերող մնացյալ բոլոր հարցերին տալով միեւնույն պատասխանը՝ հարցը ԱԳՆ-ի եւ Ռուբեն Ռուբինյանի՝ թուրքական կողմի հետ Հայաստանի բանակցողի տիրույթում է։
Նա նաեւ հայտարարեց, որ ՀՀ տարածքում մաքսային հսկողություն իրականացնելու են բացառապես հայ մաքսավորները, որեւէ պարագայում չի կարող ստեղծվել իրավիճակ, երբ այլ երկրի մաքսավորներ մեր երկրի տարածքում հսկողություն իրականացնեն։
Կարդացեք նաև
Նելլի ԳՐԻԳՈՐՅԱՆ
