Նախընտրական թուհուբոհը չի շրջանցել Ամերիկայում գյուղատնտեսությամբ հայտնի Վիսկոնսին նահանգի հայկական փոքր ու միջին ընկերություններին։ Մեղվարտադրությամբ զբաղվող Հովհաննես Գաբրիելյանին նախընտրական շրջանում առաջին հերթին հտաքրքրում են տնտեսական հարցերը։
Տնտեսության վերաբերյալ հանրապետականների խոստումները գործարարի համար հուսադրող չեն․ «Մտահոգ ենք։ Հարցեր կան, որոնք կապված են Միացյալ Նահանգների արտաքին բիզնեսների հետ։ Ամեն ինչ գնում ենք, աշխատում ենք Եվրոպայի, ասիական երկրների հետ և չենք կարող մեզ կտրել աշխարհից, ինչն առջարկում են հանրապետականները»։
Ամերիկայի հնագույն մեղրարտադող ընկերության՝ Honey Acer-ի սեփականատերն ասում է՝ ամեն ինչին պետք է պատրաստվել. «Չես կարող վերցնել ու քանդել քո հին կամուրջը, ասել, թե նորն եմ կառուցում։ Պետք է նորը կառուցել, հետո քանդել [հինը]»։
Ընկերությանը մեղրի համար տարեկան անհրաժեշտ է լինում 10 միլիոն տարա, որը ձեռք են բերում կա՛մ Չինաստանից, կա՛մ Մեքսիկայից։ Գաբրիելյանի խոսքով՝ հանրապետականների առաջարկը, թե 300% մաքս պետք է դրվի Չինաստանից եկող ապրանքի վրա, կհանգեցնի գնաճի։
Կարդացեք նաև
Դեմոկրատներին դեմ չէ, սակայն թերահավատ է նրանց նախընտրական խոստուներին. «Ասում են, թե էսպես կանենք, էնպես կանենք։ Բա երեք տարի իշխանության էիք, ինչո՞ւ չարեցիք։ Անորոշ վիճակի մեջ ենք, չենք կողմնորոշվում՝ ինչ անել»։
Գաբրիելյանը նաև չթաքցրեց իր դժգոհությունը տարբեր երկրնեևրի բռնապետների վերաբերյալ Թրամփի հնչեցրած մոտեցումներից. «Բացասաբար եմ տրամադրված, որ նա կարող ե գովել Կիմ Չենին, կամ Պուտինին։ Փաստորեն, մեզ դնում ենք նույն բռնապետական համակարգի մեջ։ Ինչպես կարող ենք ասել, թե Ամերիկան առաջինն է, երբ ձեռք եք մեկնում Պուտինին, ով բառի բուն իմաստով մարդասպան է և [Ռուաստանում հիմնել է] միապետական համակարգ։ Գուցե, ցանկանում ենք այդ էլ ընդօրինակել։ Չգիտեմ»։
Հովհաննես Գաբրիելյանի մոտ մտորումները, թերևս, արտացոլում են այն, ինչ առկա է նահանգի հազարավոր բնակիչների շրջանում։ Զուր չէ, որ այսօր էլ Վիսկոնսինը համարվում է տատանվող նահանգ։ Դեռ 90-ականներին Հայաստանից ԱՄՆ տեղափոխված գործարարը երկար տարիներ եղել է հանրապետական, շատ հարցերում դեմ է եղել դեմոկրատներին։
«Եղել եմ պահպանողական գծի մեջ, բայց այսօր հանրապետականները լրիվ կտրվել են պահպանողական մտածելակերպից»,- ասում է նա։
Տնտեսական ու աշխարհաքաղաքական խնդիրներից զատ, հայ գործարարի համար ընտրության ժամանակ վճռորոշ դեր կունենան Հայաստանի նկատմամբ ամերիկյան երկու քաղաքական ուժերի դիրքորոշումները։
«Հանրապետականները 44-օրյա պատերազմի ժամանակ ոչինչ չարեցին։ Դեմոկրատները մինչև հիմա էլ փորձում են օգնել»,- ասում է նա։
Նյութն ամբողջությամբ՝ սկզբնաղբյուր կայքում
