Հանուն Գյումրու, հանուն արդարության, հանուն համերաշխության
«Աստծո գործերն անքննելի են»։
Աստվածաշնչյան թևավոր այս արտահայտությունն արտահայտում է կյանքի անկանխատեսելիությունը, ճակատագրի բոլոր շրջադարձերը կանխատեսելու անկարողությունը։
Գյումրու տեղական ինքնակառավարման մարմիններում տեղի ունեցող զարգացումները մի կողմից անկանխատեսելի էին, մյուս կողմից` կանխատեսելի, բայց որքան էլ որ կանխատեսելի լինեին, ոչ ոք, կրկնում եմ`ոչ ոք (այդ թվում` քաղաքական ուժ կամ ուժեր) իրավունք չուներ Գյումրին կանգնեցնելու ճգնաժամի առաջ՝ հանձնելով կամ վերցնելով իշխանությունը (անունը ինչ ուզում եք դրեք)։
Կարդացեք նաև
Գյումրիում իշխանության տերը ԳՅՈՒՄՐԵՑԻՆ է և լեգիտիմ է այն իշխանությունը, որը ձևավորված է կամ ձևավորվելու է գյումրեցու քվեով։
Գյումրի՛ս, դու հավերժ ես, իսկ մնացածս`անցողիկ։
Ստեղծված իրավիճակում համոզված եմ, որ Գյումրու շահի մասին մտածող ու մտահոգ շատ ԳՅՈՒՄՐԵՑԻՆԵՐ կան, ովքեր տեր են կանգնելու Գյումրիին հենց հանուն Գյումրու, հանուն արդարության և հանուն համերաշխության։
Գյումրու ավագանու «Ապրելու երկիր» խմբակցության ղեկավար Կարեն Մալխասյան
