Ազգային ժողովում լրագրողների հետ ճեպազրույցում ԱԳ նախարար Արարատ Միրզոյանն անդրադարձավ հարցին, թե երբ կլինի հայկական կողմի՝ COP29-ին մասնակցել-չմասնակցելու որոշումը։ «Որոշումը կլինի մինչեւ COP29-ը»,- ասաց նա։
«Մենք քվեարկել ենք, օգնել ենք, որ COP29-ը լինի Բաքվում»,- հավելեց Միրզոյանը։
Անդրադառնալով «խաղաղության պայմանագրի» չհամաձայնեցված կետերին եւ հարցին, թե ինչո՞ւ են թաքուն պահում այդ կետերը, մինչդեռ Նիկոլ Փաշինյանը նախկինում հայտարարել էր, որ ինչ ստորագրի, հանրությունը դրանից տեղյակ կլինի, Արարատ Միրզոյանն ասաց․ «Ես վստահ եմ, որ այդպես էլ կլինի։ Ո՞նց կարելի է հրապարակայնացնել բանակցությունների ընթացքում գտնվող կետերը։ Դուք խիստ թյուր պատկերացում ունեք դիվանագիտական բանակցությունների մասին»։
Լրագրողի դիտարկմանը, որ այս իշխանության վարած քաղաքականության հետեւանքով Արցախը հանձնվեց Ադրբեջանին, Միրզոյանը պատասխանեց․ «Ես կարծում եմ, որ դուք կատարելապես սխալ եք ու նույնիսկ ավելին, ոչինչ չեք հասկացել։ Մեր խոսակցությունն այստեղ ավարտվեց»։
Կարդացեք նաև
Ռոզա ՀՈՎՀԱՆՆԻՍՅԱՆ
