«Ցանկացած անզգույշ արտահայտություն, խոսք՝ հատկապես ներկայացուցչականություն ունեցող մարդու կողմից, խիստ վնաս է ՀՀ զինված ուժերին»,- ՀՀ ԱԺ պաշտպանության եւ անվտանգության հարցերի հանձնաժողովի արտահերթ նիստի ժամանակ հայտարարեց հանձնաժողովի նախագահ Անդրանիկ Քոչարյանը։
ԵԿՄ նախագահ Սասուն Միքայելյանի՝ Եռաբլուրում արված հայտարարության առիթով էլ ասաց․ «Այս հայտարարությունն առաջին հերթին հարված է ՀՀ զինված ուժերին, մեր պաշտպանունակությանը»։
Ըստ Գեղամ Մանուկյանի՝ ՀՀ զինված ուժերում ծառայության անցնելու գրավչության հետ կապված ցանկացած նախաձեռնություն կարևոր է, բայց համալիր ծրագրով ավելի լավ արդյունքների կհասնենք․ «Վերջին երեք-չորս տարիներին ԶՈՒ բարեփոխումների անվան տակ քննադատել ենք այն մոտեցումը, որը կա, որ ԶՈՒ համալրման հիմնական խթանիչը նյութականն է։ Շեշտն ատեստացիայի վրա է դրվել, մինչդեռ նաև պետք է դիտարկել ԶՈՒ հեղինակության բարձրացման անհրաժեշտությունը։ Ժամանակն է նաև մտածել դրա մասին՝ հույսը չդնելով միայն ատեստացիայի վրա, այլ նաև մտածել զինծառայողների բազային աշխատավարձի բարձրացման հնարավորության հարցը»։
Կարդացեք նաև
Տաթև ՀԱՐՈՒԹՅՈՒՆՅԱՆ
