«Քավոր երկու անգամ եմ եղել՝ մեկը Երուսաղեմում, մյուսը՝ ՀՀ-ում»,-լրագրողների դիտարկմանը՝ Գրիգոր Մինասյանին արդարադատության նախարարի պաշտոնից հեռացնելու «քավորն» ինքն է եղել, լրագրողների հետ ճեպազրույցում այսպես արձագանքեց Անդրանիկ Քոչարյանը։
Նա ասաց, որ ինքը բազմաթիվ պատգամավորներից է եղել, որ ստորագրել է Գրիգոր Մինասյանին հեռացնելու համար։ Իսկ պատճառները դեռ չեն վերացել։ Ըստ Անդրանիկ Քոչարյանի՝ այդ պատճառները կվերանան այն ժամանակ, երբ իր մտահոգությունները կլինեն ոչ արդարացի․ «Իմ հնչեցրածը լեգիտիմ մտահոգություն էր, և դրա պատասխանը չեմ ստացել։ Իսկ Մինասյանն ինքն է հրաժարական տվել։ Ստորագրահավաքից ԱԺ նախագահը տեղյակ է եղել»։
Անդրանիկ Քոչարյանը վստահեցրեց՝ իր ու Ալեն Սիմոնյանի միջև հակասություն չկա․ «Ես այս ալիքների միջով անցել եմ․ եղել եմ իշխանություն, ընդդիմություն և այսօր նստած եմ այն աթոռին, որը ղեկավարել է Վազգեն Սարգսյանը։ Ինձնից պետք չի վտանգ զգալ։ Իմ և Փաշինյանի մեջ սեպ մի խրեք, դա անիմաստ է։ Սեպ խրողների թիվը գնալով ավելանում է։ Երեկ ինչ սեպեր էիք առել, բոլորդ ֆռֆռում էիք»։
Հարցին՝ ՔՊ-ից քանի՞ հոգի կա սեպ խրող, Անդրանիկ Քոչարյանը պատասխանեց․ «Ես հիմա չեմ տեսնում, եթե լինի, անպայման ձեզ հետ կկիսվեմ»։
Կարդացեք նաև
Տաթև ՀԱՐՈՒԹՅՈՒՆՅԱՆ
