Կոմիտեում միջին աշխատավարձն ինչքա՞ն է կազմում, դա համատեղելի՞ է մյուս կառույցների հետ, ի՞նչ ունենք այդ ուղղությամբ անելու․ այսօր 2025 թվականի բյուջեի քննարկումների ժամանակ, Հակակոռուպցիոն կոմիտեի նախագահ Սասուն Խաչատրյանին հարցրեց «Քաղաքացիական պայմանագիր» խմբակցության պատգամավոր Սերգեյ Բագրատյանը։
Նա մանրամասնեց, որ կոմիտեում երկու գործառույթ է իրականացվում՝ օպերատիվ հետախուզական եւ քննչական ծառայություն․ առաջինների աշխատավարձը մի փոքր ցածր է։ Սասուն Խաչատրյանի փոխանցմամբ, և ՔԿ-ի եւ կոմիտեի քննիչները գրեթե նույնչափ աշխատավարձ են ստանում՝ միջինում 600-700 հազար դրամ, կախված ստաժից եւ այլն։ Ու քանի որ աշխատավարձերը հավասարվել են եւ իր ղեկավարած կառույցում աշխատանքն ավելի ծանր ու պատասխանատու է, ավելի քիչ են դիմում․ թափուր հաստիքներ ունեն, օպերատիվ անձնակազմում՝ ավելի շատ։
Կադրերի արտահոսք եղել է անցած տարվա ընթացքում, գնացել են դատախազությունում աշխատելու, բայց Սասուն Խաչատրյանը նաեւ դա է բնական գործընթաց համարում։
Մանրամասները՝ տեսանյութում
Կարդացեք նաև
Հիշեցնենք, Կոմիտեում աշխատավարձերի եւ պետական մյուս կառույցներում աշխատավարձերի հիերարխիկ խախտումներն անհանգստացնում էին ՔՊ-ական պատգամավորներին։
Նելլի ԳՐԻԳՈՐՅԱՆ
