«Ամերիկայի ձայն». Արհեստական բանականությունը և չաթ-բոտերը ի զորու չեն պայքարել ԱՄՆ նախագահական ընտրություններին ընդառաջ տարածվող ապատեղեկատվության դեմ։
Այս եզրակացությանն է հանգել Նյու Յորքում գործող NewsGuard հետազոտական կենտրոնը՝ արհեստական բանականության գործիքակազմի աշխատանքի հերթական վերլուծությունից հետո։
10 առաջատար չաթ-բոտերի՝ այս սեպտեմբերին իրականացրած ուսումնասիրության հիման վրա NewsGuard-ը եկել է այն եզրակացության, որ կեղծ պատմություններ պարունակող բովանդակության վերաբերյալ հարցում ստանալիս՝ արհեստական բանականությունը կրկնել է ապատեղեկատվությունը 18% դեպքերում, իսկ 38%-ի պարագայում հրաժարվել է պատասխանել կամ տվել է հարցմանն անհամապատասխան արձագանք
«Այս չաթ-բոտերն ակնհայտորեն դժվարանում են գործել, երբ խոսքը վերաբերում է նորություններին կամ տեղեկատվության վերաբերյալ հարցումներ են արվում: Կան [տեղեկատվության] բազմաթիվ աղբյուրներ, և չաթ-բոտերը միշտ չէ, որ կարողանում են որոշել, թե որոնք են հուսալի, որոնք՝ ոչ»,- ասում է հետազոտության հեղինակ Մաքենզի Սադեղին:
Կարդացեք նաև
«Ամերիկայի ձայնի» հետ զրույցում վերլուծաբանը նշել է, որ NewsGuard-ն ունի տարածված կեղծ պատմությունների տվյալների շտեմարան, որոնց բովանդակությունը տարբեր է՝ համաշխարհային պատերազմներից մինչև ամերիկյան քաղաքականություն։
