«Որքան էլ Վահե Դոլմազյանը փորձում է իրավիճակը մեղմ ներկայացնել, Ձեր աչքի առաջ հենց նոր քաղաքական հետապնդման մի դրսևորում էր։ Ի՞նչ է նշանակում, որ դատական նիստերի դահլիճից դուրս Արմեն Աշոտյանը չի կարող շփվել լրագրողների հետ»,-ՀՀԿ փոխնախագահ Արմեն Աշոտյանի գործով դատական նիստից հետո լրագրողների հետ զրույցում ասաց Արմեն Աշոտյանի պաշտպան Տիգրան Աթանեսյանը։
Այսինքն՝ Արմեն Աշոտյանը լրագրողների հետ չի շփվում ինչ-որ գործով վկայի մասին, բնականաբար, լրագրողների հարցերը վերաբերում են իր՝ քաղաքական գործունեությանը․ «Այսինքն՝ վախենում են Աշոտյանի կենդանի խոսքից և չեն էլ թաքցնում։ Ինքը գործից չէր խոսելու, էլ չասեմ, որ գործից խոսելու բան էլ չկա, բացի գործի քաղաքական բնույթից։ Ազատ շփումը լրագրողների հետ արգելելը դասական հետապնդման տարբերակ է»։
Լրագրողները հարցրին՝ դա օրենքի պահանջ չէ՞, դատավորն ի՞նքն է «հորինում» այդ սահմանափակումը, Տիգրան Աթանեսյանը պատասխանեց․ «Դատավորին չեմ մեղադրի։ Ինչ ասում են, անում է։ Դատավորին միևնույն է, թե Աշոտյանն ինչ քաղաքական հայտարարություն պիտի անի։ Ճնշման տակ է»։
Կարդացեք նաև
Տաթև ՀԱՐՈՒԹՅՈՒՆՅԱՆ
