«Փաստորեն իզմեր ժխտող Նիկոլը երկար տարիների խարխափումներից, դեգերումներից հետո գտավ իր ամենահարազատ իզմը․ դա լափիզմն է»,- իր գործով դատական նիստի ավարտից հետո դատական նիստերի դահլիճում լրագրողների հարցին՝ ինչպե՞ս կմեկնաբանեք այն, որ ՀՀ վարչապետ Նիկոլ Փաշինյանը պետության հիմնական ֆունկցիան ասոցացրեց ուտելու հետ, այսպես արձագանքեց ՀՀԿ փոխնախագահ Արմեն Աշոտյանը։
Ըստ նրա՝ Նիկոլ Փաշինյանի հայտարարությունը խթանում է արտագաղթը․ «Կառուցել պետության գաղափարախոսությունը միայն ուտելու վրա, նշանակում է, որ պետության ութ-ինը ֆունկցիաներից ամենաբազայինը երաշխավորել ու վերջ։ Իրականության մեջ դա խթանելու է արտագաղթը։ Եթե պետության ֆունկցիան կերակրելն է, և հայը պիտի Հայաստանում մնա զուտ ուտելու համար, ապա ԱՄՆ-ում ավելի լավ են կերակրում, ՌԴ-ում էլ ավելի լավ, Ֆրանսիայում ամենալավն են կերակրում»։
Հարցին՝ իսկ ընդդիմությո՞ւնն ինչ է առաջարկում, Արմեն Աշոտյանը պատասխանեց․ «Նիկոլն առաջարկում է ամորձատում, ընդդիմությունն ասում է, եկեք չհատենք, կարող է պետք գալ։ Չհատելն ավելի դժվար է։ Երկար բուժում է պահանջում, քան հատումը․ կտրել, շպրտելը հեշտ է, բուժելն է դժվար։ Մենք ասում ենք կբուժենք, բայց մեզնից հիմա մի սպասեք երկար-բարակ բացատրություններ՝ ոնց կբուժենք»։
Կարդացեք նաև
Տաթև ՀԱՐՈՒԹՅՈՒՆՅԱՆ
