«Մեր գնահատմամբ՝ վերադարձի իրավունքի իրացումն անհատական մակարդակում նպաստում է ազգերի ինքնորոշման իրավունքի իրականացմանը»,- «Արցախահայերի վերադարձի իրավական հեռանկարները և հայ-ադրբեջանական իրավական վեճերը միջազգային դատարաններում» թեմայով «Մեդիա կենտրոնում» հրավիրված քննարկման ժամանակ հայտարարեց իրավապաշտպան Սիրանուշ Սահակյանը։
Նա վստահեցրեց՝ առանց վերադարձի չի կարող լինել ինքնորոշում․ «Արցախի ինքնորոշումը բացառապես կարող է կայանալ հենց Արցախի տարածքի վրա, և որևէ այլ վայրում հնարավոր չէ այդ իրավունքի իրացումը։ Այս պահին վերադարձի իրավունքն այն նախապայմանն է՝ առանց որի մենք չենք կարող հասնել ազգերի ինքնորոշման իրավունքի կայացման։ Մենք այստեղ հետընթաց ունենք․ փաստացի կայացած պետականությունը, որն ընդամենը գտնվում էր միջազգային ճանաչման գործընթացում, ներկայումս զրկվել է երկու կարևոր ատրիբուտից՝ տարածքից և տվյալ տարածքում ապրող բնակչությունից։ Հետ պիտի վերադառնանք զրոյական կետ, վերաբնակեցնենք այդ տարածքն արցախցիներով, որ կրկին մեկնարկենք ինքնորոշման իրավունքի իրացումը»։
Տաթև ՀԱՐՈՒԹՅՈՒՆՅԱՆ
Կարդացեք նաև
Լուսանկարը՝ «Մեդիա կենտրոն»-ի
