«Ես այստեղ եմ պատասխանատվության մասին խոսելու։ Վեց տարի երկիրը քանդվում է, երկու հայկական պետությունների հիմքում ական են դրել՝ մեկը պայթեցվել է, երկրորդը պայթեցնելու ճանապարհին է։ Կա տպավորություն, որ այս ամբողջի հեղինակը միայն Նիկոլ Փաշինյանն է և նա է պատասխանատվություն կրում»,- ՀՀ նախագահի նստավայրի դիմաց բողոքի ցույցից առաջ լրագրողների հետ զրույցում ասաց 44-օրյա պատերազմում նահատակված Դավիթի մայրը՝ Ալիսա Գևորգյանը:
Ըստ նրա՝ ՀՀ-ում բազմաթիվ բարձր պաշտոններ են զբաղեցնում մարդիկ, որոնք Նիկոլ Փաշինյանի ստվերի տակ փորձում են թաքնվել և խուսափել իրենց պատասխանատվության բաժնից․ «Որպես այս երկրի քաղաքացի՝ այստեղ եմ, որ ամրագրեմ այս՝ նախագահ կոչված անձի երկրորդ կարևորագույն դրվագը․ առաջինը Անգլիայի թագուհու դագաղի հետ լուսանկարն էր, երկրորդը՝ ցավոք, գուցե ՀՀ-ի դագաղի վավերացման տակ ստորագրությունն է։ Եկել եմ ասելու, Վահագն Խաչատուրյան, դու հավասար պատասխանատվություն ես կրում Նիկոլ Փաշինյանի հետ միասին Արցախի կորստի, հազարավոր զոհերի, Ադրբեջանում պահվող հայ ռազմագերիների համար և այն կործանման ճանապարհի համար, որի մեջ դրել եք ՀՀ-ն։ Յուրաքանչյուր պաշտոնյա, որն այս կամ այն ձևով մասնակից է այս գործընթացին, պետք է դառնա հանրային պարսավանքի առարկա»։
Տաթև ՀԱՐՈՒԹՅՈՒՆՅԱՆ
Կարդացեք նաև
Լուսանկարը՝ Սրբազան պայքար էջի
