«Մենք ունենք մի վիճակ, որ այս փաստաթղթով չենք ունենում համաձայնեցված սահման։ Մենք ունենում ենք սահմանը համաձայնեցնելու գործընթաց»,- ԱԺ ճեպազրույցների ժամանակ ասաց «Հայաստան» խմբակցության պատգամավոր Արմեն Ռուստամյանը՝ անդրադառնալով սահմանազատման կանոնակարգին։
Ըստ Ռուստամյանի՝ չի բացառվում, որ այս սահմանազատումն ի վերջո վերածվի սահմանազիջման։ Սա առաջացնելու է լուրջ խնդիր հանրաքվեի հետ կապված, թե ինչո՞ւ դա չի իրականացվում հանրաքվեով։ Երկրորդ աբսուրդն, ըստ նրա, այն է, որ կանոնակարգը վավերացնելու գործընթացը երկու երկրներում պետք է տեղի ունենար համընթաց։ Բայց Հայաստանի իշխանությունները արագ վավերացրեցին, իսկ Ադրբեջանը որեւէ գործընթաց չի սկսել։
«Այո, մեր վավերացումը չի բացառում Ադրբեջանի չվավերացումը կամ այնպիսի լուրջ վերապահումներով վավերացումը, որը մեզ կստիպի ընդհանրապես վերանայել ամեն ինչ»,- հավելեց նա։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
