Ջերմուկը, որ Հայաստանի ամենաակտիվ զբոսաշրջային քաղաքներից է, ադրբեջանական դիրքերի առաջխաղացումից հետո վերածվել է ուրվական քաղաքի, որտեղ զբոսաշրջիկների թիվը կտրուկ նվազել է, առողջարաններն ու հյուրանոցային համալիրները գրեթե դատարկ են կամ կիսադատարկ: Այս եւ այլ հարցերի մասին «Հրապարակը» զրուցել է Վայոց Ձորի մարզպետ Կոլյա Միքաելյանի հետ:
– Ջերմուկում ի՞նչ իրավիճակ է: Թշնամին փաստացի հետ չի քաշում իր զորքը մեր տարածքից:
– Ընդհանուր առմամբ, նորմալ վիճակ է, ոչ մի կտրուկ փոփոխություններ չեն եղել, նորմալ, ոնց նախկինում կար, ներկա պահին այդպես էլ մնում է: Ոչ մի տեղաշարժ չի արձանագրվել:
– Ալեն Սիմոնյանն ասում է՝ երբ խաղաղության պայմանագիր կնքեն, թշնամին իր զորքը հետ կքաշի մեր տարածքներից: Դուք ի՞նչ եք կարծում:
Կարդացեք նաև
– Շատ հնարավոր է, որ` այո, հետ քաշեն, քանի որ ներխուժել են մոտ վեց կիլոմետր, հնարավոր է հետ քաշվեն, եւ դառնա նախկին սահմանային գիծը: Մենք կողմ ենք, որ խաղաղության պայմանագիր լինի, մեզ, մեր մարզին, մեր երկրին պետք է: Վերջին մի քանի տարում այնպիսի դեպքեր եղան, որ հիմա ուղղակի անհրաժեշտ է մեզ այդ խաղաղությունը:
Հայկ ԳԵՎՈՐԳՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում:
