Համահայկական ճակատի առաջնորդ ՊՆ նախկին նախարար Արշակ Կարապետյանի թիմակիցներից Պահեստազորի սպա Արսեն Վարդանյանն այսօր Կառավարության շենքի դիմաց հայտարարեց, որ այսօրվա իշխանությունների խմբակի գործողություններն ապօրինի են եւ ժողովրդական պահանջ կա նրանց հեռացնելու:
«Մեզ հորդորում են, որ Սահմանադրական կարգը չխախտենք, բայց ամենաառաջին Սահմանադրական կարգ խախտողը դուրս է գալիս ՀՀ կառավարությունը»,- լրագրողների հետ զրույցում ասաց Արսեն Վարդանյանը:
Հարցին, թե ինչ է իրենից ներկայացնում ազգային տրիբունալը, որը ստեղծվել է Համահայկական ճակատի կողմից, ի պատասխան՝ Վարդանյանն ասաց. «Եղել է ժողովրդական պահանջ, ժողովուրդն է դիմել նամակով հարցերի շուրջ, քննարկվել է: Դեռ մեր անելիքները բոլորովին չենք բացում, ունենք մեր ժամանակային ու ճանապարհային քարտեզը, բոլորդ կիմանաք»:
Կարդացեք նաև
Արփինե ՍԻՄՈՆՅԱՆ
