Կանոնավոր հսկողությունն օգնում է վաղաժամ հայտնաբերել գերճնշումը, ինչը սրտանոթային հիվանդությունների ռիսկի գործոն է:
Արյան լիպիդների (խոլեսթերինի ֆրակցիա) թեստը կարևոր է` գնահատելու խոլեսթերինի մակարդակը և սրտանոթային հիվանդությունների ռիսկը:
Շաքարային դիաբետի սքրինինգ, որն իրականացվում է 35-68 տարեկանների շրջանում․ կարևոր է, հատկապես, եթե ունեք ռիսկի գործոններ, ինչպիսիք են` գիրություն, ցածր ֆիզիկական ակտիվություն, սրտանոթային հիվանդությունների պատմություն, առաջին կարգի հարազատ, որն ունի շաքարային դիաբետ:
Քննարկե՛ք ընտանեկան բժշկի հետ շագանակագեղձի քաղցկեղի սքրինինգի անհրաժեշտությունը, հատկապես, եթե 50 տարեկանից բարձր եք և ունեք ռիսկի գործոններ:
Կարդացեք նաև
50 տարեկանից սկսած տղամարդիկ պետք է դիտարկեն սքրինինգային մեթոդները, ինչպիսին է կղանքում թաքնված արյան թեստը, դրական պատասխանի դեպքում՝ կոլոնոսկոպիան, կոլոռեկտալ քաղցկեղը հայտնաբերելու համար:
Որոշելով ՄԶՑ-ը` բժիշկը կգնահատի ձեր ընդհանուր առողջությունը և գիրության հետ կապված ռիսկերը:
Սեռական ճանապարհով փոխանցվող վարակների վաղ հայտնաբերման համար կան թեստեր, որոնք հատկապես կարևոր են սեռական անկանոն կյանքով ապրող մարդկանց համար:
Տեսողության և լսողության կանոնավոր զննումները կարող են օգնել վաղաժամ բացահայտելու խնդիրները:
Եզրակացություն
Տղամարդկանց համար շատ կարևոր է խորհրդակցել ընտանեկան բժշկի հետ և պարզել անհատական սքրինինգների անհրաժեշտությունը՝ հիմք ընդունելով տարիքը, ընտանեկան պատմությունն ու ապրելակերպը:
Կանոնավոր զննումները հիվանդության վաղ հայտնաբերման և ավելի առողջ լինելու կարևոր պայմանն են:
Նշված հետազոտություններից զարկերակային ճնշման չափումը, արյան մեջ խոլեսթերինի և գլյուկոզի մակարդակի որոշումը քաղցած վիճակում, մարմնի զանգվածի ցուցանիշի գնահատումը, լյարդի և երիկամների ֆունկցիայի թեստերը, ՄԻԱՎ-ի և սեռավարակների նկատմամբ թեստավորումը, դեպրեսիայի, անհանգստության և հոգեկան առողջության հետազոտությունները, տեսողության և լսողության թեստերը կարող եք պարբերաբար անցնել տեղամասային պոլիկլինիկայում կամ ամբուլատորիայում, որտեղ կցագրված եք:
