«Այսօրվա մեր այս գործընթացով մենք հստակորեն վավերացնելու ենք մի փաստաթուղթ, որտեղ ամրագրված են Ալմա-Աթայի 1991 թվականի համաձայնագրի դրույթները, համաձայն որի՝ հստակեցված է Հայաստանի եւ Ադրբեջանի միջեւ գործող սահմանը եւ սահմանազատման գործընթացի ամբողջ տրամաբանությունը»,- ԱԺ նստաշրջանում «Հայաստանի Հանրապետության եւ Ադրբեջանի Հանրապետության միջեւ պետական սահմանի սահմանազատման եւ սահմանային անվտանգության հարցերով հանձնաժողովի ու Ադրբեջանի Հանրապետության եւ Հայաստանի Հանրապետության միջեւ պետական սահմանի սահմանազատման պետական հանձնաժողովի համատեղ գործունեության մասին» կանոնակարգը վավերացնելու մասին օրենքի նախագծի քննարկման ժամանակ ասաց ԱԺ փոխնախագահ Հակոբ Արշակյանը։
Նա նշեց, որ սրանով ամրագրվում է, որ ՀՀ Սահմանադրությունը որեւէ դրույթում չունի որեւէ իրավական ձեւակերպում, որով հնարավոր է տարածքային պահանջներ ներկայացնել Ադրբեջանին կամ որեւէ այլ երկրի։
«Այսպիսով, մենք այսօր եւս մեկ անգամ ՀՀ պետականության, տարածքային ամբողջականության, սուվերենության շատ կարեւոր անկյունաքար ենք դնելու։ Սա զոհողությունների ճանապարհ է, բայց միեւնույն ժամանակ սա հաղթանակի ճանապարհ է, հաղթանակի, խաղաղության, ՀՀ ինքնիշխանության եւ տարածքային ամբողջականության»,- հայտարարեց Հակոբ Արշակյանը։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
