«Նման որոշում չկա․ պետք է քննարկենք, հասկանանք՝ ինչի՞ համար ենք մեկնում, ի՞նչ է դա տալու Հայաստանին, ի՞նչ շահեր ունենք, ի՞նչ մակարդակով ենք մասնակցում»,- խորհրդարանում լրագրողների հետ ճեպազրույցում ասաց ԱԺ նախագահ Ալեն Սիմոնյանը՝ ի պատասխան հարցի՝ ՀՀ իշխանության օրակարգում կա՞ մեկնել Բաքու՝ COP-29-ին մասնակցելու։
Ալեն Սիմոնյանը նաեւ հավելեց՝ COP-29-ի հրավերն ու մասնակցությունը Ադրբեջանի մենաշնորհը չէ, Ադրբեջանի միջոցառումը չէ, ՄԱԿ-ի միջոցառումն է, իսկ Հայաստանը ՄԱԿ անդամ է։
Մեկ այլ դիտարկման՝ Հայաստանը չի՞ փոշմանել, որ համաձայնություն է տվել՝ COP 29-ը Ադրբեջանում կայանալու համար, այդ երկրում մարդու իրավունքների խախտումների ֆոնին, Ալեն Սիմոնյանը պատասխանեց․ «Գերի ստացանք դրա դիմաց։ Շատ վատ վիճակում, վատ տրամադրության մեջ համաձայնել ենք։ Չհամաձայնեի՞նք, ինչ ա մի հատ ՄԱԿ-ի միջոցառում էնտեղ չկայանա՞ր»։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
