«Հետաքրքիր տեսակի կոռուպցիա է սկսել է զարգանալ հատկապես վերջին շրջանում: Այս կոռուպցիան ավելի շատ կարելի է կոչել միամիտներին այս պրոցեսի մեջ ներքաշելու գործընթաց, որովհետեւ սա իրականացվում է որոշակի բրոքերական ընկերությունների կողմից»,-ասաց Տիգրան Ավինյանը՝ Երեւանի քաղաքապետարանի գործակարգավարական խորհրդակցության ժամանակ:
Նրա խոսքով՝ «Որոշ բրոքերական ծառայություններ շինթույլտվություն ստանալու գործընթացի առնչությամբ մարդկանց ասում են՝ այ գիտեք, գումարը տվեք, մենք ձեր գործը 90 %-ով կկազմակերպենք։ Դուք գումարը մուծեք, որ մենք կարողանանք կազմակերպել: Բայց կա 10 % հավանականություն, որ գործը չի ստացվի: Դա հիմնականում վերաբերվում է շինթուլտվություններին: Եթե, այնուամենայնիվ, Երեւանի քաղաքապետարանն իր ստանդարտ պրոցեսով տալիս է դրական եզրակացություն, ստացվում է, որ այդ բրոքերական կազմակերպությունները խնդիրը լուծեցին: Եթե չի տալիս, ստացվում է՝ դե չկարողացանք լուծել, այն 10 % հավանականությունն աշխատեց»:
Երեւանի քաղաքապետը դիմեց երեւանցիներին եւ կառուցապատողներին. «Խնդրում եմ, մի՛ եղեք միամիտ, Երեւանի քաղաքապետարանում որոշում կայացնելու գործընթացը բավականին դիվերսիֆիկացված է, եւ փաստացի քաղաքաշինական ծրագրերի վերաբերյալ կարծիք են տալիս ճարտարապետներ, որոնք իրարից բավականին անկախ են: Ճարտարապետական խորհրդի կարծիքի հիման վրա են տրվում ճարտարապետահատակագծային առաջադրանքները եւ շինթույլտվությունները: Հետեւաբար, խորհուրդ չեմ տալիս օգտվել այս բրոքերական ծառայություններից, որովհետեւ դրանք փաստացի ապօրինի գործունեություն ծավալող ընկերություններ են»:
Կարդացեք նաև
Գոհար ՀԱԿՈԲՅԱՆ
