«Ռուսաստանը, Իրանը և Թուրքիան Երևանին և Բաքվին առաջարկել են «3+3» հարթակն օգտագործել խաղաղության պայմանագրի նախագծի վրա աշխատանքն ավարտելու համար»,- Ստամբուլում «3+3» տարածաշրջանային հարթակի հանդիպմանը հաջորդած մամուլի ասուլիսի ընթացքում ասել է ՌԴ արտգործնախարար Սերգեյ Լավրովը:
«Հարավային Կովկասի գլխավոր սպառնալիքը այլ տարածաշրջանների երկրների միջամտությունն է: Այդ երկրների գործողությունները միտված չեն Կովկասի խնդիրների լուծմանը, այլ միայն նպաստում են ՆԱՏՕ-ի վրա հիմնված ձևաչափերի տարածմանը և սեպ խրում հարևանների միջև», – ասել է Լավրովը:
ՌԴ արտգործնախարարը նշել է, որ Հայաստանը ցանկանում է ուղիղ շփվել թուրքական կողմի հետ. «Ռուսաստանը նպաստել է հայ-թուրքական գործընթացի մեկնարկին, որին միացել են նաև իրանցի գործընկերները:
Ներկայում հանդիպումներ նախատեսված չեն, հայ գործընկերները դադար են վերցրել։ Նրանք կարծում են, որ նախ պետք է ուղիղ շփվել թուրքերի հետ և հասկանալ, թե ինչ է պետք անել»։
