«Ադրբեջանը երբեւէ չի թաքցրել, որ Արցախն իրեն պետք է առանց հայերի, առանց հայկականության, առանց հայկական հետքի։ Եվ փաստը 2023 թվականի սեպտեմբերի 19-ին ուժի կիրառման, ցեղասպանության վտանգի ներքո մեր բոլոր բռնի տեղահանումն էր Արցախից»,- Ազգային ժողովում «Արցախում հայկական մշակութային ժառանգության ոչնչացման» թեմայով քննարկման ժամանակ ասաց Արցախի ԱԺ պատգամավոր Մետաքսե Հակոբյանը։
«Այդ ծանր ժամանակահատվածում, երբ մեզ ուղղակի թիրախավորել էին, խաղաղ բնակչությանը սպանում էին, Հայաստանի իշխանությունները հայտարարում էին, որ Արցախը վտանգված չէ, որեւէ խնդիր չկա։ Եվ կարծում եմ՝ օրինաչափ է այն պահվածքը, որը հիմա կա մեր մշակութային ժառանգության նկատմամբ»,- հավելեց Մետաքսե Հակոբյանը։
Նա նշեց, որ այսօր եթե ՀՀ իշխանությունները խուսափում են քաղաքական հարցերից, շատ հանգիստ կարող էին հումանիտար հարցերը քննարկել եւ ներկա լինել այս քննարկմանը։ Օրինակ՝ կարող են պահանջել գերիների վերադարձ, բարձրաձայնել Արցախի մշակութային ժառանգության պահպանության հարցերը, բայց լռություն է։ «Այստեղից ընդամենը պետք է պարզ հետեւություն անել, որ միասնաբար լռության է տրվում Արցախի հարցը, եւ փորձում են ուղղակի փակել Արցախի հարցը»,- հավելեց նա։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
Լուսանկարը՝ Մետաքսե Հակոբյանի ֆեյսբուքյան էջից
