Հայաստան տեղափոխված Արցախի մշակութային ժառանգությունը ոչ միայն պետք է պահպանել, այլ նաեւ ցուցադրությունների միջոցով աշխարհին ցույց տալ ու միջազգային ամբիոններից հնչեցնել հարցը։ Այս մասին Ազգային ժողովում «Արցախում հայկական մշակութային ժառանգության ոչնչացման» թեմայով քննարկման ժամանակ ասաց Արցախի ԱԺ պատգամավոր Դավիթ Գալստյանը։
«Խորհրդարանում կան անձինք, որոնք Ակնան համարում են իրենց հայրենիքը։ Եվ երբ հայերն ազատագրել էին այդ տարածքը, ադրբեջանական ծագումով մզկիթը չեն ոչնչացրել, պահպանել են։ Խնդրանքս՝ հնարավորության դեպքում փոխանցել, որ կոչ անեն՝ գոնե իր հայրենակիցները չոչնչացնեն հայկականությունը Արցախի տարածքում»,- ասաց Դավիթ Գալստյանը։
ԱԺ պատգամավոր Թագուհի Թովմասյանն արձագանքեց. «Այո, Ազգային ժողովում կային մարդիկ եւ շարունակում են ԱԺ-ն ղեկավարել մարդիկ, ովքեր իրենց PR-ի համար Ակնան համարում էին իրենց հայրենիքը, հետո թքում քաղաքացիների երեսին, իսկ հիմա շարունակում են իրենց անպատիժ գործունեությունը»:
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
