«Ռոսպոտրեբնադզոր»-ը շրջանառությունից հանել է ՀՀ-ում գրանցված կենսաբանական ակտիվ հավելումների ավելի քան 118 000 փաթեթ, որոնք սիմետիկոն (մետեորիզմը նվազեցնող դեղամիջոց) և մելատոնին (ցիրկադային ռիթմերը կարգավորող հորմոն) են պարունակում: Այս մասին «Վեդոմոստի»-ին հայտնել է գերատեսչության մամուլի ծառայության ներկայացուցիչը՝ հավելելով, որ սննդային հավելումների բարեխիղճ արտադրողները ներգրավված են նման հավելումների հայտնաբերման աշխատանքներում. օգնում են որոնել արգելված նյութեր և դեղաչափեր պարունակող հավելումներ։
Ինչպես նշում է «Ռոսպոտրեբնադզոր»-ը, սննդային հավելումներում արգելված են սինթետիկ դեղամիջոցները և հորմոնները (սիմետիկոն և մելատոնին), որոնք էական սննդային գործոններ չեն:
«Սիմետիկոնն ու մելատոնինը գրանցված են որպես դեղագործական նյութեր և անկախ դեղամիջոցներ», – նշել է Ռոսպոտրեբնադզորի ներկայացուցիչը։
Ընդհանուր առմամբ, ծառայությունը հայտնաբերել է 48 սննդային հավելում, որոնք չեն համապատասխանում Մաքսային միության ակտերի պարտադիր պահանջներին։
Կարդացեք նաև
«Վերահսկողության միջոցառումների առումով շուկայում մեծ «մաքրում» է սկսվել. մելատոնին, սիմետիկոն, վիտամին D 5000 IU և այլն: Արտադրանքը մեծ քանակությամբ հետ է կանչվում», – Bioprom ֆորումում ասել է Սննդային հավելումների արտադրողների միության գործադիր տնօրեն Ալեքսանդր Ժեստկովը:
ԵԱՏՄ երկրները հիմնականում կիրառում են սննդային հավելումների գրանցման միասնական ստանդարտներ, իսկ Ռոսպոտրեբնադզորը կարող է չեղյալ համարել անհատական սննդային հավելումների պետական գրանցումը։
