«Փաստերի ստուգման հարթակ». Արցախի մշակութային ժառանգության պաշտպանության հանրային խորհրդի քարտուղար Սերգեյ Շահվերդյանը ֆեյսբուքյան իր էջում գրել էր, որ «Ադրբեջանի վարչակազմը սկսել է օկուպացված Ստեփանակերտում բնակելի շենքերի զանգվածային ոչնչացում»:
«Փաստերի ստուգման հարթակն» ուսումնասիրել է համացանցում հասանելի տեսանյութը, համադրել այն քարտեզների հետ ու պարզել, որ տեսանյութում իսկապես Թումանյան փողոցն է և որ այն ոչնչացվում է ադրբեջանցիների կողմից։
Ստեփանակերտի այլ շինություններ, որոնք ադրբեջանցիները քանդել են
2024 թվականի մարտին հայտնի դարձավ, որ ադրբեջանցիները սկսել են քանդել Արցախի խորհրդարանի շենքը։
Կարդացեք նաև
Ուսումնասիրելով google earth ծրագրով վերջին տվյալները, պարզ է դառնում, որ ադրբեջանցիները քանդել են ոչ միայն Արցախի խորհրդարանի շենքը ամբողջությամբ, այլ նաև խորհրդարանի շենքի հարևանությամբ գտնվող Արցախի Ազատամարտիկների միության շենքը, որը շահագործման էր հանձնվել և պաշտոնապես բացվել 2014 թվականին, և Արմենիա հյուրանոցը։
Ադրբեջանական հեռուստատեսությամբ ցուցադրվել էր Ազգային ժողովի շենքի քանդման մասին պաշտոնական տեսանյութը, որտեղ քանդման աշխատանքները մեկնաբանվել էին որպես անջատողականության խորհրդանիշների ոչնչացում։
Արցախի ԱԺ և Ազատամարտիկների միության շենքերը ու «Արմենիա» հյուրանոցը 2021 թվականի նոյեմբերին
Արցախի ԱԺ և Ազատամարտիկների միության շենքերը ու «Արմենիա» հյուրանոցը 2024 թվականի ապրիլին
Արցախի Ազգային ժողովի շենքը կառուցվել էր 2003-2007 թվականներին։ Այն Արցախի քաղաքական ինքնության խորհրդանիշներից մեկն էր։
Գարնանը համացանցում հայտնված այլ տեսանյութերից ակնհայտ էր, որ ադրբեջանցիները քանդել են նաև Արցախի պետական համալսարանի հարևանությամբ գտնվող՝ Մխիթար Գոշի և Ազատամարտիկների փողոցների մի շարք բնակելի շենքեր։
ԱրՊՀ հարևանությամբ գտնվող բնակելի շենքերի քանդված հատվածը
ԱրՊՀ հարևանությամբ գտնվող բնակելի շենքերը մինչ Ստեփանակերտի՝ Ադրբեջանի վերահսկողության տակ անցնելը և դրանից հետո
Բացի համալսարանի հարևանությամբ գտնվող բնակելի շենքերի հիմնահատակ ոչնչացումը, ադրբեջանցիները փոխել են նաև համալսարանի արտաքին տեսքը։
Սյուզաննա Համբարձումյան
Նյութն ամբողջությամբ՝ սկզբնաղբյուր կայքում:
