«Նախկինում ես հարցադրում էի անում՝ արդյոք կալանքը օգտագործվո՞ւմ է որպես ճնշման միջոց անհրաժեշտ ցուցմունքներ ստանալու համար։ Հիմա չեմ հարցնում, հիմա ես հաստատում եմ, որ դա այդպես է»,- Ազգային ժողովում «Հայաստանի Հանրապետությունում 2019-2024 թթ. ընթացքում հանցավորության վիճակի, կառուցվածքի, դինամիկայի, հաշվառման, բացահայտման հետ կապված հարցերն ու հիմնախնդիրները, բարեփոխումների իրական արդյունքներ» թեմայով լսումների ժամանակ Գլխավոր դատախազ Աննա Վարդապետյանին դիմեց ՔՊ խմբակցության պատգամավոր Հովիկ Աղազարյանը։
Գլխավոր դատախազն ի պատասխան ասաց․ «Ես հակառակն եմ պնդում՝ ոչ։ Ինչքան էլ նպատակահարմար է այդ պնդումը, խափանման միջոցը կիրառվում է բացառապես նրա համար, որ ազդեցություն չլինի այլ անձանց վրա»։
Աննա Վարդապետյանը հավելեց․ «Դեպքերը բազմաթիվ են, երբ մենք օպերատիվ ուղեկցումով տեսնում ենք, թե ոնց են սովորեցրած նույն տեքստով ուղարկում վկաներին եւ պայմանավորվում, թե ոնց պետք է նախաքննությունն ուղղորդեն։ Հիմա նման իրավիճակներում թույլ տանք, որ ի՞նչ, որ գան ամբողջ ապացուցողական բազան շարքից հանեն, որ հանկարծ մի օրը մեկը մեզ չասի՝ դուք ռեպրեսիա եք անո՞ւմ։ Ոչ»։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
