Արդյո՞ք ՀՀ քրեական օրենսգրքի 236-րդ հոդվածի 2-րդ մասը՝ «հավաքին մասնակցելու կամ հավաքին մասնակցելուց հրաժարվելու նպատակով նյութապես շահագրգռելը» ձևակերպումը համահունչ է իրավական որոշակիության սկզբունքի եվրոպական չափանիշներին, հարցով ՍԴ-ն աշխատակարգային որոշում է կայացրել:
Հայաստանի Հանրապետության Սահմանադրական դատարանը գտնում է, որ առկա է Հայաստանի Հանրապետության կողմից վավերացված՝ մարդու իրավունքների վերաբերյալ միջազգային պայմանագրերով ամրագրված իրավունքների և ազատությունների մեկնաբանման կամ կիրառման հարցերի, ինչպես նաև Սահմանադրական դատարանի լուծմանն առաջադրված որոշ հարցադրումներում բարձրացված խնդիրների վերաբերյալ խորհրդատվական կարծիք ստանալու անհրաժեշտություն:
ՍԴԱՈ-156 որոշմամբ Սահմանադրական դատարանը «Ազգային ժողովի պատգամավորների ընդհանուր թվի առնվազն մեկ հինգերորդի դիմումի հիման վրա՝ ՀՀ քրեական օրենսգրքի 236-րդ հոդվածի 2-րդ մասի՝ Սահմանադրությանը համապատասխանության հարցը որոշելու վերաբերյալ» գործի վարույթը կասեցրել է` մինչև «Ժողովրդավարություն՝ իրավունքի միջոցով եվրոպական հանձնաժողովի»՝ վերը նշված հարցի կապակցությամբ խորհրդատվական կարծիքը ստանալը:
Դատարանում առկա էր դիմողի 06.09.2024 թ. Դիրքորոշումը, 16.09.2024 թ. լրացուցիչ դիրքորոշումը, այս գործով պատասխանողի՝ ՀՀ Ազգային ժողովի բացատրությունը, ՀՀ մարդու իրավունքների պաշտպանի դիրքորոշումը, ի պատասխան զեկուցող դատավորի հարցումների՝ ստացված ՀՀ գլխավոր դատախազի տեղակալի, ՀՀ քննչական կոմիտեի նախագահի, Դատական դեպարտամենտի պատասխանները:
Կարդացեք նաև
Սահմանադրությանը համապատասխանության հարցը որոշելու վերաբերյալ» գործով զեկուցողն էր Սահմանադրական դատարանի դատավոր Ա. Վաղարշյանը:
Ռուզան ՄԻՆԱՍՅԱՆ
