Լոռու մարզպետ Արամ Ղազարյանը հոկտեմբերի 11-ին ընդունել է Հայաստանի Հանրապետության Մարդու իրավունքների պաշտպան Անահիտ Մանասյանին և ՄԻՊ աշխատակազմի ներկայացուցիչներին։
Հանդիպմանը մասնակցել են նաև մարզպետի աշխատակազմի ոլորտային պատասխանատու պաշտոնյաներ:
Քննարկվել են Լոռու մարզում մարդու իրավունքների պաշտպանությանը և երկկողմ համագործակցության արդյունավետությանն առնչվող հարցեր:
Լոռու մարզպետը կարևորել է մարդու իրավունքների պաշտպանության բնագավառում ՄԻՊ գրասենյակի հետ համագործակցությունը, ընդգծել համատեղ աշխատանքի կարևորությունը քաղաքացիների կողմից բարձրացված հարցերի լուծման գործում:
Կարդացեք նաև
Անահիտ Մանասյանը շնորհակալություն է հայտնել մարզպետին ընդունելության համար, անդրադարձել ՄԻՊ գրասենյակին հասցեագրված քաղաքացիների դիմումներին և առկա խնդիրների լուծման գործում պետական մարմինների հետ գործակցության դրական ազդեցությանը:
Մարզի ղեկավարը նշել է, որ հետևողական է քաղաքացիների բարձրացրած հարցերի, դրանց լուծման ուղղությամբ տարվող աշխատանքների նկատմամբ:
Կողմերը քննարկել են ոլորտին վերաբերող այլ հարցեր ևս:
ՀՀ Լոռու մարզպետի աշխատակազմ
