ՀՀ 2-րդ նախագահ Ռոբերտ Քոչարյանից այսօր լրագրողները հետաքրքրվել են՝ որեւէ կերպ՝ ֆինանսապես կամ այլ ռեսուրսներով աջակցե՞լ է Բագրատ սրբազանի շարժմանը:
«Ո՛չ, մեր աջակցությունը եղել է «Հայաստան» դաշինքի եւ խմբակցության հայտարարությունը, դրանից այն կողմ աջակցություն չի եղել: Ինքը նման կարգի աջակցության չի էլ դիմել, որ ձեր լրատվամիջոցը չհամարի, որ Բագրատ սրբազանի շարժումը նախագահների պրոյեկտն է»,- պատասխանեց Քոչարյանը:
Կարդացեք նաև
Հարց հնչեց նաեւ, թե արդյոք պատրաստվո՞ւմ է քաղաքականությունից դուրս գալ:
Ի պատասխան ասաց. «Եթե չեմ սխալվում սրբազաններից մեկի կողմից ասվել էր, որ նախագահների ստվերը խանգարում է Բագրատ սրբազանին: Հիմա ասեմ՝ իսկական , բնածին առաջնորդին որեւէ մեկի ստվերը չի կարող խանգարել: Բագրատ սրբազանին ոչ մեկի ստվերը չի խանգարի: Զարմանալի է, թե ինչու են մարդիկ այդպիսի որակում տալիս»:
Հարց հնչեց նաեւ «Մարտի 1-ի» մեղավորների մասով, Ռոբերտ Քոչարյանը հարցին հարցով պատասխանեց՝ ով է իշխանությունների ձեռքից բռնել, թող քննեն:
Արփինե ՍԻՄՈՆՅԱՆ
Լուսանկարը՝ Անի Վանի
