Ծանրամարտի Հայաստանի 20 եւ 23 տարեկան ծանրորդները այս օրերին Օլիմպավանում նախապատրաստվում են հոկտեմբերի 26-ին Լեհաստանում մեկնարկող Եվրոպայի առաջնությանը: Մարզիչները արդեն որոշել են, թե ովքեր են մասնակցելու պայքարին:
20 տարեկանների ավագ մարզիչ Մելիք Ղուկասյանը Aravot.am-ին տեղեկացրեց, որ մրցավայր մեկնելու է 10 ծանրորդ: Նրանք են. 55 կգ քաշային կարգ՝ Ժորա Գրիգորյան եւ Սեյրան Խուդանյան, 61 կգ՝ Մերուժան Եղոյան եւ Ռաֆիկ Մինասյան, 67 կգ՝ Սամվել Մարտիրոսյան, 73 կգ՝ Մարտին Պողոսյան, 81 կգ՝ Նարեկ Մկրտչյան, 89 կգ՝ Վալերիկ Մովսիսյան, 102 կգ՝ Ալեքսանդր Լազարյան, +109 կգ՝ Աշոտ Մովսիսյան:
23 տարեկանների ավագ մարզիչ Հակոբ Փիլոսյանը հավաքականում ընդգրկել է ինը ծանրորդի. 61 կգ՝ Գառնիկ Չոլակյան, 73 կգ՝ Գոռ Սահակյան, 81 կգ՝ Կարեն Մարգարյան, 89 կգ՝ Սուրեն Գրիգորյան եւ Մնացական Աբրահամյան, 96 կգ՝ Գեւորգ Ղահրամանյան, 109 կգ՝ Պետրոս Պետրոսյան եւ Գարիկ Կարապետյան, +109 կգ՝ Յաշա Մինասյան:
Աշոտ ՀԱԿՈԲՅԱՆ
