ԷկոԼոգիական հասարակական դաշինքի համակարգող Սիլվա Ադամյանը ֆեյսբուքյան էջում տեղեկացնում է. «Շատ մեծ կորուստ կրեց բնական գիտությունը և բնապահպանությունը ՀՀ ում: Մահացավ վերջին մոհիկաններից մեկը՝ մեր գործընկեր, իմ հայրիկիս վաղեմի բարեկամ Հակոբ Սանասարյանը»:
Հայաստանի կանաչների միության նախագահ Հակոբ Սանասարյանը ծնվել էր 1936 թ. դեկտեմբերի 21-ին: Ավարտել էր Երեւանի պետական համալսարանը՝ քիմիկոսի որակավորմամբ: Քիմ. գիտ. թեկնածու էր: Աշխատել էր ՀՀ ԳԱ կենսաքիմիայի ինստիտուտում՝ ավագ գիտաշխատող: Ընտրվել էր ԱԺ ՀՀ ԳԽ բնության պահպանության եւ բնական պաշարների հարցերի մշտական հանձնաժողովի նախագահի տեղակալ:
