«Հարավային Կովկասում տնտեսական և տրանսպորտային միջանցքների ապաշրջափակման եռակողմ աշխատանքային խմբի շրջանակներում մոտ մեկուկես տարի առաջընթաց չկա»,- ինչպես հայտնում է ՏԱՍՍ-ը՝ ռուսաստանյան Առաջին ալիքին տված մեկնաբանությունում ասել է ՌԴ փոխվարչապետ Ալեքսեյ Օվերչուկը և հավելել, որ տարածաշրջանում տնտեսական և տրանսպորտային միջանցքների ապաշրջափակումը «հնարավոր է միայն Ռուսաստանի մասնակցությամբ»:
«Հայաստանը պաշտոնապես հետ չի վերցրել իր ստորագրությունը եռակողմ հռչակագրից, որը ստորագրվել է 2020 թվականին Մոսկվայի, Բաքվի և Երևանի կողմից և նպաստել Լեռնային Ղարաբաղում հրադադարի հաստատմանը։ Միևնույն ժամանակ, տարածաշրջանում հաղորդակցությունների ապաշրջափակման՝ փոխվարչապետների մակարդակով եռակողմ աշխատանքային խմբի շրջանակում մոտ մեկուկես տարի առաջընթաց չկա», – ասել է ՌԴ փոխվարչապետ Ալեքսեյ Օվերչուկը։
