WCIT2024/DigiTec-ի շրջանակում Նորարությունների, տեխնոլոգիաների և ծառայությունների համաշխարհային դաշինքը (WITSA), հայտարարեց Գլոբալ նորարարության և տեխնոլոգիական նվաճումների մրցանակակիրների (WITSA Global Innovation and Tech Excellence Award) անունները: Ավելի քան 50 երկրներից ստացված 130 հայտերից մրցանակ ստացան 21 անհատներ, կազմակերպություններ և նախագծեր, որոնք էականորեն նպաստել են համաշխարհային տեխնոլոգիական ոլորտի զարգացմանը։ Հաղթողները ցուցադրել են գերազանցություն՝ մարդու կյանքի բարելավման գործում թվային նորարարությունների և պետական ու մասնավոր ոլորտների արդյունավետ համագործակցությանը իրականացմամբ։
WITSA-ի Գլոբալ նորարարության և տեխնոլոգիական նվաճումների մրցանակները շնորհվում են տեխնոլոգիաների և նորարարությունների ոլորտում նկատելի ներդրումներ կատարած անհատներին և կազմակերպություններին: Մրցանակները նպատակ ունեն ցուցադրելու տեխնոլոգիաների վերափոխիչ ուժը տարբեր ոլորտներում, ինչպես, օրինակ, կիբերանվտանգության, արհեստական բանականության (ԱԲ), առողջապահության, կրթության, ֆինանսների, գյուղատնտեսության և այլ ոլորտներում։
Agenus Inc. բիոտեխնոլոգիական ընկերության տնօրեն Դր․ Գարո Արմենն արժանացավ WITSA-ի պատվավոր անդամի (WITSA EMINENT PERSON AWARD) կոչմանը։ 2010 թվականից WITSA-ն շնորհում է այս ամենաբարձր պարգևը, որը կոչված է պատվելու և ճանաչելու այն անհատներին, որոնք էական և խորապես դրական փոփոխություններ են բերել այլոց կյանքում։ Agenus Inc.-ը նպատակ ունի նորարարական իմունաթերապիաներ մշակել քաղցկեղի դեմ պայքարելու համար։ Agenus-ի ամենախոշոր նվաճումներից մեկը BOT/BAL համակցված թերապիայի մշակումն է, որը ցույց է տվել բացառիկ հաջողություններ դժվար բուժվող քաղցկեղների, այդ թվում՝ մետաստատիկ հաստաղիքային քաղցկեղի դեմ պայքարում։ Այս թերապիան վերակենդանացնում է իմունային համակարգի բնական կարողությունը՝ պայքարելու քաղցկեղի դեմ, ինչը մեծ առաջընթաց է քաղցկեղների բուժման գործում, որոնք նախկինում համարվում էին անհաղթահարելի։
«Սա շատ պարտավորեցնող է ինձ համար։ Քաղցկեղը դարձել է աճող համաշխարհային մարտահրավեր, և մեր ամենօրյա աշխատանքում կարիք կար լուծումներ գտնելու դրա դեմ պայքարի ուղղությամբ։ Մենք քաղցկեղի կանխարգելման և բուժման կենտրոններից առաջարկներ էինք ստանում՝ մարդկանց, այդ թվում՝ երեխաների շրջանում, քաղցկեղի վաղ հայտնաբերման լուծումներ մշակելու ուղղությամբ։ Շուրջ 20 տարի է, ինչ մենք աշխատում ենք Հայաստանի գյուղերում և այսօր մեր ծրագրերը հասանելի են ավելի քան 100 գյուղերում։ Հայաստանում WCIT2024/DigiTec-ը կարևոր դեր է խաղում այս ամենի հանրայնացման գործում՝ ցուցադրելով հաջողված գործիքներ, որոնք ապացուցում են, որ տեխնոլոգիաները կարող են դառնալ հզոր միջոց և ինտեգրվել կյանքի բոլոր ոլորտներում»,- նշեց Agenus ընկերության տնօրեն Գարո Արմենը։
Կարդացեք նաև
Երեք տարբեր մայրցամաքներից ընտրված 21 անհատներ ու կազմակերպություններ արժանացան 2024 թվականի WITSA Գլոբալ նորարարության և տեխնոլոգիական նվաճումների մրցանակի, ներառյալ՝ WITSA-ի նախագահի հատուկ մրցանակն ու WITSA-ի պատվավոր անդամի մրցանակը: WITSA-ն համարվում է գլոբալ թվային տեխնոլոգիաների արդյունաբերության հանրայնացման ամենահայտնի կառույցը, որը ներկայացված է 80 անդամ երկրներում և տնտեսություններում:
«2024 թվականի Գլոբալ նորարարության և տեխնոլոգիական նվաճումների մրցանակների ժյուրիի կազմը մեծ պատիվ ունեցավ ուսումնասիրելու մոտ 130 եզակի և նշանակալի հայտեր։ Ցանկանում եմ շնորհավորել բոլոր հաղթողներին այն բացառիկ աշխատանքի համար, որ նրանք կատարում են՝ թվային տեխնոլոգիաների առավելությունները հասցնելով քաղաքացիներին, կառավարություններին, արդյունաբերություններին և համայնքներին՝ ընդգրկելով կյանքի գրեթե բոլոր ոլորտները: Այսպիսով, նրանք նպաստում են WITSA-ի տեսլականին՝ իրականացնելով թվային, նորարարական և տեխնոլոգիական արդյունաբերության տեսլականը՝ հանուն գլոբալ համայնքի կայունության և բարեկեցության»,-ասաց Նորարարությունների, տեխնոլոգիաների և ծառայությունների համաշխարհային դաշինքի (WITSA), Դր. Շան Սիան։
WITSA-ի մրցանակները հանրաճանաչում են պետական և մասնավոր համայնքների արդյունավետ համագործակցությունները, որոնք արհեստական բանականության, մեծ տվյալների և մեքենայական ուսուցման տեխնոլոգիաների հիման վրա ստեղծում են թվային լուծումներ։ Մրցանակակիրների թվում էին շարժական էլեկտրոնային դրամապանակի, երթևեկության կառավարման և անվտանգության բարելավման համար առաջադեմ լուծման, ԱԲ-ով աշխատող ճանապարհորդության պլանավորման նախագծի, ԱԲ-ի օգտագործմամբ հեռավար զննումն ու ավտոմատացումը հեշտացնելու համար հեռաբժշկության նորարարական համակարգի և մի շարք այլ նորարարական նախագծեր։
«Մեծ պատիվ է մեզ համար հյուրընկալել WITSA-ի Գլոբալ նորարարության և տեխնոլոգիական նվաճումների մրցանակաբաշխությունը WCIT2024/DigiTec-ի օրերին։ Շնորհավորում եմ բոլոր հաղթողներին, ինչպես նաև Գարո Արմենին։ Պարոն Գարո, դուք հսկայական աշխատանք եք կատարում քաղցկեղի բացահայտման և բուժման գործում։ Վստահաբար կարող ենք ասել, որ տեխնոլոգիաները էապես փոխում են մարդկանց կյանքի որակը»,- նշեց Առաջատար տեխնոլոգիաների ձեռնարկությունների միության (ԱՏՁՄ) նախագահ Ալեքսանդր Եսայանը։
Հոկտեմբերի 4-7-ը Հայաստանում անցկացվում է WCIT2024/DigiTec-ը, որը Հայաստանը վերածել է տեխնոլոգիական մտքի կենտրոնի՝ հանդիսանալով հարթակ ոլորտի և թեմայի շուրջ առաջատար համաշխարհային խոսնակների ելույթների, պանելային քննարկումների և B2B հանդիպումների համար: «ՄՏՔԻ ՈՒԺԸ. Արհեստական բանականություն՝ սահմաններից այն կողմ՝ էթիկայի շրջանակներում» խորագրով WCIT2024/DigiTec համաժողովը տեղեկատվական տեխնոլոգիաների ազդեցության ուժեղացման, ներդրումների և տարբեր տարածաշրջաններում ու տնտեսություններում (ՏՀՏ) լուծումների կարևորությունն ընդգծող համաշխարհաին հարթակ է դարձել՝ միավորելով մեկ հարկի տակ միջազգային և լոկալ մի շարք խոսնակների։
- 2024 Chairman’s Award:
BenefitPay - 2024 Digital Opportunity/Inclusion Award (Private Sector/NGO):
OK RDY: “Women in Security Mentoring Network” - 2024 Digital Opportunity/Inclusion Award (Public Sector):
Sidec Sdn Bhd: - 2024 Smart Cities Award (Private Sector/NGO):
Institute for Information Industry: “Life Guardian Pathway System” - 2024 Smart Cities Award (Public Sector):
Airport Authority Hong Kong: Smart Airport City supported by Enterprise 5G Infrastructure - 2024 Sustainable Growth Award/Circular Economy Award (Private
Sector/NGO):
NRI Digital / Nomura Research Institute, Ltd. / Japan Airlines Co. Ltd. / East Japan Railway
Company Joint Project: Creating “Related Populations” by Randomly Sending People from Urban Areas to Regional Areas - 2024 Sustainable Growth Award/Circular Economy Award (Public Sector):
Taoyuan City Government: “City Environmental Governance: AI Environmental Pollution Recognition System” - 2024 Innovative E-Health Solutions Award (Private Sector/NGO):
Service Systems Technology Center, Industrial Technology Research Institute: “Innovative
Telemedicine System 2.0 for Precise Remote Cardiac and Abdominal Ultrasound” - 2024 Innovative E-Health Solutions Award (Public Sector):
Pamela Youde Nethersole Eastern Hospital: Making the invisible become touchable – 3D Printing of realistic anatomical model with tactile reality - 2024 Public/Private Partnership Award:
Moscow Agency of Innovations: Implementation of the “Leaders of Digital Transformation” project - 2024 E-Education & Learning Award (Private Sector/NGO):
– Tumo / 42 School
– InnerSteps (Incorporated as Ellie Holdings Pty Ltd) - 2024 E-Education & Learning Award (Public Sector):
Information Management Center, New Taipei City Government: “Information Security Online
Class System of New Taipei City Government – Information Security Management Platform” - 2024 Emerging Digital Solutions Award:
SNAPI: “SNAPI AI-powered IoT digital meter readers” - 2024 Startup Ecosystem Award (Public Sector)
Economic Development Bureau, Kaohsiung City Government: “Kaohsiung Startup Ecosystem” - 2024 AI Excellence Award (Private Sector/NGO)
Intracom Telecom’s NFV Resource Intelligence (NFV-RI™) - 2024 Best Place to Work Award (Private Sector/NGO)
Quanta Computer Inc.: “AI Workmates Project” - 2024 Digital Transformation of the Year (Private Sector/NGO)
Telekom Research & Development Sdn Bhd and Group Network Technology (GNT), TM Group - 2024 Digital Transformation of the Year (Public Sector)
General Secretariat for Information Systems and Digital Governance / Hellenic Ministry of Digital Governance: Gov.gr Wallet - 2024 Women in Tech Award
Niki Tsouma, CEO of IDIKA SA (e-Government Center for Social Security Services)․.
WCIT-ի մասին. Նորարարությունների և տեխնոլոգիաների համաշխարհային կոնգրեսը (WCIT) հեղինակավոր համաշխարհային միջոցառում է, որը կազմակերպվել է ՏՏ և ծառայությունների համաշխարհային դաշինքի (WITSA) կողմից: WCIT-ը համախմբում է տեխնոլոգիայի առաջնորդներին, ոլորտի մասնագետներին, կառավարության ներկայացուցիչներին ամբողջ աշխարհից՝ ուսումնասիրելու և ձևավորելու տեխնոլոգիայի ապագան և դրա ազդեցությունը հասարակության վրա:
Կայքէջ։ https://wcit2024-digitec.com
Facebook: https://www.facebook.com/wcit2024.digitec
WITSA-ի մասին․ ՏՏ և ծառայությունների համաշխարհային դաշինքը (WITSA) ՀՏ ոլորտի միությունների կոնսորցիում է աշխարհի ավելի քան 80 երկրից: WITSA-ն ներկայացնում է գլոբալ ՏՀՏ արդյունաբերությունը և պաշտպանում է այնպիսի քաղաքականություն, որը խթանում է արդյունաբերության աճն ու զարգացումը միջազգային մակարդակով:
Պաշտոնական կայքէջ՝ https://www.witsa.org/
ԱՏՁՄ–ի մասին․ Առաջատար տեխնոլոգիաների ձեռնարկությունների միությունը համախմբում է ոլորտի ավելի քան 160 տեղական և միջազգային ընկերություններ։ ԱՏՁՄ–ն նվիրված է արդյունաբերության աճին թիրախային նախագծերի միջոցով՝ հիմնադրել համապարփակ տեխնոլոգիական կրթություն Հայաստանում («Արմաթ» ինժեներական լաբորատորիաներ), դյուրացնել մուտքը համաշխարհային շուկա և փորձի փոխանակում կազմակերպված պատվիրակությունների միջոցով։
Բացի այդ, ԱՏՁՄ–ն զգալի ազդեցություն ունի նաև իրավական դաշտի վրա՝ քաղաքականության մշակման և կառավարության հետ համագործակցության միջոցով՝ խթանելով մրցակցային, բայց համագործակցային բիզնես միջավայրը։ ԱՏՁՄ–ն հայտնի է խոշոր միջոցառումների կազմակերպմամբ, որոնք ընդգծում են հայկական տեխնոլոգիական առաջընթացը։ Հատկանշական է WCIT 2019-ի հյուրընկալումը, գալիք WCIT 2024-ը և ամենամյա DigiTec Expo-ն, որն անցկացվում է արդեն մոտ 20 տարի՝ ցուցադրելով նորարարություններն ինչպես տեղական, այնպես էլ համաշխարհային լսարանին։ Այս ջանքերի շնորհիվ ԱՏՁՄ–ն շարունակում է բարձրացնել Հայաստանի ներկայությունը համաշխարհային տեխնոլոգիական միջավայրում։
Պաշտոնական կայքէջ՝ https://www.uate.org/
ԴիջիԹեք–ի մասին․ ԴիջիԹեք տեխնոլոգիական ցուցահանդեսն ամենամյա միջոցառում է, որը 2005 թվականից իրականացնում է Առաջատար Տեխնոլոգիաների Ձեռնարկությունների Միությունը (ԱՏՁՄ)՝ համախմբելով և արտացոլելով Հայաստանի տեխնոլոգիական ներուժը, նորարարությունն ու հեռանկարները։
Ամեն տարի 80,000 այցելուներով ցուցահանդեսը դարձել է համաշխարհային տեխնոլոգիական միտումներին ծանոթանալու հարթակ: 2023-ին ԱՏՁՄ–ն կազմակերպել է միանգամից երկու ցուցահանդես, որոնցից յուրաքանչյուրում մասնակցել է 120 ընկերություն և հյուրընկալվել ավելի քան 100 խոսնակ: Մինչև 2023-ի ավարտը մասնակից ընկերությունները ԴիջիԹեքի շնորհիվ կատարել են 100 միլիոն դրամից ավելի գործարքներ։ ԴիջիԹեք 2024-ն այս տարի կանցկացվի հոկտեմբերի 4-6-ին՝ «Մերիդիան» էքսպոկենտրոնում (Ոսկերիչների 1, Երևան):
Facebook՝ https://www.facebook.com/digitec.armenia/
Instagram՝ https://www.instagram.com/digitec.armenia/
Youtube՝ https://www.youtube.com/@TheUATE/videos
Կայքէջ՝ http://www.digitec.am
WCIT 2024/DigiTec
