Տեղ համայնքի ղեկավար Դավիթ Ղուլունցն Aravot.am-ի հետ զրույցում հերքում է տեղեկությունը, թե օրեր առաջ ՀՀ վարչական իրավախախտումների վերաբերյալ օրենսգրքի 182-րդ հոդվածով նախատեսված արարք կատարելու համար ենթարկվել է վարչական ձերբակալման, ապա ազատ է արձակվել:
«Չկա նման բան»,- մեզ հետ զրույցում ասաց Ղուլունցն ու անջատեց հեռախոսը:
Նշենք, որ ՀՀ վարչական իրավախախտումների վերաբերյալ օրենսգրքի 182 հոդվածը ենթադրում է ոստիկանության զորքերի զինծառայողի կամ ոստիկանության ծառայողի օրինական պահանջը չկատարելը:
Մեր տեղեկություններով, համայնքի ղեկավարը Տեղ գյուղում ապօրինի շինարարությամբ է զբաղված: Ոստիկանները շրջայցի ժամանակ նկատել են ու շինարարությունը դադարեցնելու պահանջ ներկայացրել: Ոստիկանի օրինական պահանջը չկատարելու շուրջ վիճաբանություն է առաջացել, բանը հասել է վարչական ձերբակալման:
Կարդացեք նաև
Մեր տեղեկություններով՝ ՔՊ-ական Դավիթ Ղուլունցի կողմից իրականացվող ապօրինի շինարարությունը համայնքային հողատարածքում է կատարվում:
Արփինե ՍԻՄՈՆՅԱՆ
