«Արարատ Միրզոյանի շուրթերով ասում են, որ COP29-ից հետո հերթական պատերազմն է լինելու․ էլ ի՞նչ են սպասում մեր հայրենակիցները»,- Հանրապետության հրապարակում Բագրատ սրբազանի առաջնորդած «Սրբազան շարժման» հանրահավաքի մեկնարկից առաջ լրագրողների հետ ճեպազրույցում հայտարարեց ՀՀ ԱԺ «Հայաստան» խմբակցության պատգամավոր Գառնիկ Դանիելյանը։
Նա լրագրողների հետ զրույցում չբացահայտեց, թե հանրահավաքից հետո ո՞ր կառույց են գնալու, միայն փոխանցեց, որ չափազանց կարևոր է այս օրերին այն թիրախները, որ ընտրել է շարժումը․ «Անցյալ անգամ Հանրայինում փոքր, բայց կարևոր հաղթանակ արձանագրեցինք։ Այսուհետև թիրախային աշխատելու ենք, որ հասնենք մեր վերջնական նպատակին»։
Ընդդիմադիր շրջանակների թերահավատության մասին Գառնիկ Դանիելյանն ասաց․ «Շատերն են մտահոգված, շատերն են ընկճված, շատերի մոտ պայքարի ոգին դեռ այն աստիճան չէ, որին կուզեինք, բայց դա մեր առաջ ո′չ խնդիրներն է չեզոքացնում, ո՛չ էլ մարտահրավերներն են պակասում։ Մեր բոլոր մտավախություններն իրականություն են դարձել։ Այս իշխանությունները մեզ նորից տանում են կործանման և դրա մասին բացահայտ կերպով ասում են Արարատի Միրզոյանի շուրթերով»։
Գառնիկ Դանիելյանը կոչ արեց ժողովրդին դուրս գալ փողոց ու ակտիվ պայքարի մասնակցել հայրենիք, պատիվ ու պետություն ունենալու համար։
Կարդացեք նաև
Տաթև ՀԱՐՈՒԹՅՈՒՆՅԱՆ
