«Հայաստանում ոստիկանություն գոյություն չունի, գոյություն ունի մի խումբ, որոնք ծառայում են չարիքին եւ ծառայում են խուլիգանապետությանը, որի գլուխը գիտեք որտեղ է։ Ոստիկանություն գոյություն չունի որպես այդպիսին»,- Հանրային հեռուստաընկերության շենքի մոտ լրագրողներին ասաց Սրբազան շարժման առաջնորդ Բագրատ սրբազանը։
Ոստիկանապետ Արամ Հովհաննիսյանի հայտարարությանը, որ «եթե ինչ-որ մեկը կփորձի օրենք խախտել, ոստիկանության կողմից պատասխան կլինի», Բագրատ սրբազանը պատասխանեց․ «Իրենք օրենք խախտել են, իրենք հանցագործ են, իրենք ոստիկան չեն, ոչ էլ ոստիկանապետ են, իրենք ծառա են, ստրուկ են։ Ոչ ես, ոչ որեւէ մեկն իրենց հետո ոչ խոսելիք ունենք, ոչ ասելիք։ Հանրային կարգ խախտողն իրենք են, ապօրինություններ գործողն իրենք են։ Եվ «Զարյա 3» միջոցներ ունեն կամ որեւէ զենքի տեսակ, թող գնան Ադրբեջանի դեմ կռվեն»։
Դիմելով ոստիկաններին՝ Բագրատ սրբազանն ասաց․ «Դուք դեռ պատասխան ունեք ինձ տալու, թե ինչպես այդ լուսաձայնային նռնակները՝ արգելված միջոցները կիրառեցիք ձեր իսկ քաղաքացիների նկատմամբ, որոնց կոչված էիք պաշտպանելու։ Մինչեւ չհասնենք պատժին, ձեր զղջումին չհասնենք, դուք ձեր հացը արյունով եք վաստակել։ Եվ հիմա ծառայության եք կոչված մի մարդու, որը ստրուկի պես ծնկել է մեր թշնամիների դիմաց»։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
