«44-օրյա պատերազմը սցենարով գնացած է եղել, այդ սցենարը Հայաստանում չի գրվել, բայց Հայաստանում գտնվող շատ մարդիկ այդ սցենարի մեջ են եղել, ընդ որում, իմանալով են դրա մեջ եղել»,- ԱԺ-կառավարություն հարցուպատասխանի ժամանակ հայտարարեց վարչապետ Նիկոլ Փաշինյանը՝ պատասխանելով «Հայաստան» խմբակցության պատգամավոր Գեղամ Մանուկյանի հարցին։
Նա հավելեց, որ իր նշած մարդկանց թվում են նաև բարձրաստիճան զինվորականներ. «Հիմա քրեական գործեր կան, հույս ունեմ՝ տրամաբանական ավարտին կհասնի։ Մենք այսօր քրեական դատավարության ոլորտում այնքան խնդիրներ ունենք, ինձ պետք չէ որևէ քրեական գործի մասին որևէ նյութ, որպեսզի ես իմ հետևություններն անեմ, որովհետեւ ես այնքան ինֆորմացիա ունեմ այդ պատերազմի մասին, որ ամբողջ իրավական համակարգը դրա կես ինֆորմացիան էլ չունի»:
Ըստ նրա, 44-օրյա պատերազմը պատերազմ էր՝ ՀՀ-ն, որպես պետություն վերացնելու համար։
Գեղամ Մանուկյանը տարակուսեց՝ ասելով այդ սցենարի մա՞ս էր, որ 44-օրյայի ժամանակ, երբ հրթիռ էր ընկել Աբովյան քաղաքում, ՀՀ վարչապետի պաշտոնը զբաղեցնող Նիկոլ Փաշինյանն իր գործը թողած՝ Արծրուն Հովհաննիսյանի գործն էր անում՝ հեռախոսն առած՝ գրառումներ անելով կամ «շպիոն բռնելով»։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
