«Այսօր ես էմոցիոնալ չեմ, դուք եք էմոցիոնալ։ Այնպես եք ջղայնանում հարցերից, ոնց որ ձեզ չպետք է տանք այս հարցերը, գնամ լրագրողին տա՞մ: Բա վարչապետ եք, ձեզ պետք է տանք այդ հարցերը, ինչո՞ւ եք ջղագրգիռ պատասխաններ տալիս: Ընդամենը երկու հարց եմ տվել»,- խորհրդարանում, Նիկոլ Փաշինյանին դիմեց ԱԺ «Հայաստան» խմբակցության պատգամավոր Գառնիկ Դանիելյանը։
Նա Նիկոլ Փաշինյանից հետաքրքրվել էր․ «Ադրբեջանի կողմից պահանջ կա՞ այստեղ ադրբեջանցիների վերաբնակեցման՝ Տիգրանաշենի հետ կապված, այդ երկու կետերով կա՞ որոշակի խոսակցություն»:
«Պարոն Դանիելյան Դուք մամուլ չեք կարդո՞ւմ: Ես զարմանում եմ, որ այդ հարցերը տալիս եք, ձեզ թվո՞ւմ է սա միամիտների երեկո է։ Հիմա դուք ինձ հարցնում եք՝ չե՞ք տեսնում Ադրբեջանի կողմից ինչ պահանջներ կան: Դուք չեք զգո՞ւմ, որ նույն խոսույթն եք օգտագործում, Ադրբեջանն էլ է ասում կապիտուլյացիա, դուք էլ եք ասում կապիտուլյացիա: Բա որ կապիտուլյացիա է, դուք ի՞նչ գործ ունեք այստեղ նստած, ընդհանրապես ինչո՞ւ եք աշխատավարձ ստանում, կապիտուլացված երկրի պատգամավոր լինո՞ւմ է: Եթե դուք համարում եք, որ երկիրը կապիտուլացված է, ուրեմն դուք ձեզ չեք համարում ՀՀ պատգամավոր, այլ համարում եք այն ուժերի պատգամավոր, ովքեր ձեր տրամաբանությամբ կապիտուլացրել են»,- զայրացավ Նիկոլ Փաշինյանը՝ հայտարարելով․ «Ես Ադրբեջանի խոսնակը չեմ, գնացեք բացեք ձեր կայքերը, կարդացեք՝ ի՞նչ է ուզում Ադրբեջանը: Ես այստեղ չեմ եկել ասեմ Ադրբեջանն ինչ է ուզում, եկել եմ ասեմ, թե ի՞նչ է ուզում Հայաստանը եւ ի՞նչ է անում»։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
