«Նախկինում էլ արվեստի գործիչներով ներկա ենք եղել մեր քաղաքում՝ Էջմիածնում անցկացվող այդ մեծագույն հոգեւոր միջոցառմանը, օծման տոնակատարությանը: Այս անգամ գալու էին նաեւ իշխանական թեւի ներկայացուցիչներ: Սկզբում մի փոքր տարակուսանք ունեի նրանց ներկայության հետ կապված, բայց հետո հանգիստ էի, երբ տեսա, թե Վեհափառն ինչպես վարվեց, ինչպես դրանց հորդորեց սանձերը քաշել ու տեղում մնալ: Պարզապես կարող եմ ասել, որ Վեհափառը հայրաբար ոլորեց դրանց ականջները, ցույց տվեց, որ ընդամենն ամբարտավան հոխորտացողներ են»,- «Հայելի» ակումբում ասաց բանաստեղծ Խաչիկ Մանուկյանը:
Խաչիկ Մանուկյան
Նրա ձեւակերպմամբ, Վեհափառն էլ շեշտեց, որ դարերի ընթացքում շատերն են փորձել ինչ-որ կերպ խոցել մեր եկեղեցին, ընթացքից շեղել, սակայն չեն հաջողել, որովհետեւ եկեղեցին հաղթական դարերով եկել է, լինելու է եւ գնալու է:
Խաչիկ Մանուկյանի խոսքով, եկեղեցին մեր լինելիության գրավականներից առաջնայինն է:
Բանաստեղծն ի թիվս այլնի, ասուլիսում անդրադարձավ նաեւ արցախցի պատգամավոր Մետաքսե Հակոբյանի հասցեին՝ Ալեն Սիմոնյանի կողմից արված վիրավորական արտահայտություններին:
Կարդացեք նաև
«Դա էն թքողն է, չէ՞… Ցավալին է, որ դիակի դերակատարը դագաղներով է եկել իշխանության եւ ժողովրդին դագաղների մեջ դրել»:
Գոհար ՀԱԿՈԲՅԱՆ
