Aravot.am- ի տեղեկություններով` ՀՀ ՆԳՆ ոստիկանության Տավուշի մարզային վարչությունում հաղորդում է ստացվել, որ սեպտեմբերի 13-ին` Սամվել Մ.-ն /Տավուշի մարզի ընդհանուր իրավասության դատարանի դատավոր/ Բերդ քաղաքի նստավայրում իրականացրել է առերևույթ հանցագործություն, այն է` խախտելով դատավարական և անձի սահմանադրական իրավունքը, չարաշահելով իրեն տրված լիազորությունները, դրսևորելով թշնամական վերաբերմունք, լցված լինելով վրիժառության մոլուցքով, ոտնահարել է վարույթում քննվող քրեական գործով ամբաստանյալ՝ Արտյոմ Ղ.-ի դատավարական և սահմանադրական իրավունքը:
Դատավորն անտեսել է նաև փաստաբան Վրեժ Ն.-ի կողմից բերված ինքնաբացարկի միջնորդությունը:
Ըստ հաղորդման` Սամվել Մ.-ն սեպտեմբերի 13-ի դատական նիստի ժամանակ, անտեսելով նույնիսկ գործով դատախազի ներկայությունը, իրականացրել է դատական ակտ, որով «թքած» է ունենում ՀՀ օրենսդրության, սահմանադրության, դատախազական համակարգի և առհասարակ ողջ իրավապահ համակարգի, առավել ևս մարդու իրավունքների պաշտպանության վրա:
Aravot.am- ի տեղեկություններով` հաղորդումը, ամփոփագիրը և կից փաստաթղթերը ուղարկվել են ՀՀ հակակոռուպցիոն կոմիտե:
