ԵԱՏՄ-ում էլեկտրական ավտոբուսների կոոպերացիոն արտադրության՝ Բելառուսի կառավարության առաջարկ-նախագիծը «դոփում է տեղում»․ Եվրասիական միջկառավարական խորհրդի ընդլայնված կազմով նիստի ժամանակ հայտարարեց Բելառուսի վարչապետ Ռոման Գոլովչենկոն։
Նա նկատեց՝ համագործակցության համար իրենք առաջարկել են էլեկտրատրանսպորտը՝ հաշվի առնելով այն, որ թե տեխնոլոգիաների, թե արտադրության ծավալներով ԵԱՏՄ-ն հետ է մնում առաջատար արտադրողներից։ Մինսկի այդ առաջարկը, նա համարում է ԵԱՏՄ-ում կոոպերացիայի զարգացման լավագույն դրսեւորում․«Տնտեսապես զարգացած երկրները մեզ դիտարկում են բացառապես հումքի եւ իրենց ապրանքների իրացման աղբյուր։ Եթե մենք ուզում ենք փոխել իրավիճակը, պետք է ներմուծումից անցնենք արտահանման, սեփական տեխնոլոգիաներն ավելի ակտիվ զարգացնենք»։
ԵԱՏՄ-ում ձևավորվում է միասնական տրանսպորտային տարածք և տրանսպորտային ծառայությունների միասնական շուկա։ Այս մասին հայտարարել է ԵՏՀ Կոլեգիայի նախագահ Բակիտժան Սագինտաևը՝ Երևանում կայացած Եվրասիական միջկառավարական խորհրդի նիստի արդյունքներով։
Նրա խոսքով, համակարգված տրանսպորտային քաղաքականության իրականացման ուղղությամբ աշխատանքները շարունակվում են։ Կառավարությունների ղեկավարներն այսօր հաստատել են 2024-2026 թվականների ճանապարհային քարտեզը։ Այսպիսով, ԵԱՏՄ-ում ձևավորվում է միասնական տրանսպորտային տարածք և տրանսպորտային ծառայությունների միասնական շուկա։
Կարդացեք նաև
Մասնակիցները հաստատել են էլեկտրաէներգիայի ընդհանուր շուկայում փոխանակման կանոնները։ Սա շուկայի հաջող գործունեության համար անհրաժեշտ կանոնների փաթեթի վերջին փաստաթուղթն է։
Կառավարությունների ղեկավարները որոշել են արդյունաբերական համագործակցության ոլորտները մինչև 2030 թվականը: Այս փաստաթուղթը սահմանում է հնգամյա ժամանակահատվածի համար առաջնահերթություն հանդիսացող տնտեսական գործունեության տեսակների ցանկը՝ ներառյալ 24 պաշտոն: Սա ներառում է բոլոր անդամ երկրների համար ամենակարևոր արդյունաբերությունը՝ սկսած ինքնաթիռների արտադրությունից, տիեզերական տեխնոլոգիաներից մինչև թղթի և ոսկերչական իրերի արտադրություն:
Այսօր ստորագրվել է նաև ԵՏՀ-ի և ԵԱՏՄ-ի հետ դիտորդի կարգավիճակ ունեցող Ուզբեկստանի Հանրապետության համատեղ գործունեության պլանը 2024-26 թթ.-ների համար։ Պլանը նախատեսում է փոխգործակցություն մաքսային համագործակցության, տեխնիկական կարգավորման, առևտրի քաղաքականության, սպառողների պաշտպանության, հակամենաշնորհային կարգավորման և այլ ոլորտներում:
ԵՏՀ ղեկավարը նշել է Եվրասիական տնտեսական երրորդ համաժողովի անցկացումը, որին մասնակցել է ավելի քան 2000 մարդ աշխարհի 30 երկրներից։ Բիզնես ծրագիրը ներառում է շուրջ 30 միջոցառում։ Հաջորդ հանդիպումը կկայանա դեկտեմբերին Մոսկվայում։
Նելլի ԳՐԻԳՈՐՅԱՆ
