«Քաղաքական կամքի պարագայում ոչ մի խնդիր չկա հենց այսօր համաձայնեցված կետերը ստորագրել»,- ԱԺ-ում լրագրողների հետ ճեպազրույցում ասաց ԱԺ նախագահ Ալեն Սիմոնյանը՝ անդրադառնալով Բաքվի հետ հնարավոր փաստաթղթի կնքմանը։
«Իմ գործընկերոջ հետ հանդիպման ժամանակ ինքն ասաց, որ 5 սկզբունքների հիման վրա իրենք առաջարկում են խաղաղության պայմանագիր կնքել։ Հիմա մենք ունենք համաձայնեցված 13 սկզբունքներ, բա ի՞նչ եղավ այդ հայտարարությունը, որն իմ գործընկերն իրենց իշխանության անունից հնչեցնում էր։ Մենք նորից առաջարկում ենք եւ կոչ ենք անում միջազգային հանրությանը խոսել սրա մասին Ադրբեջանի գործընկերների հետ։ Եթե իրոք Ադրբեջանը տարածքային նկրտումներ չունի, եթե իրոք Ադրբեջանի ղեկավարն ուզում է խաղաղություն տարածաշրջանում, արդեն շատ վաղուց գնդակը գտնվում է ադրբեջանական դաշտում։ Մենքն սպասում ենք պաշտոնական Բաքվի արձագանքին»,- ասաց Ալեն Սիմոնյանը։
Մանրամասները՝ տեսանյութում
Կարդացեք նաև
Նա նաեւ հավելեց, որ Ադրբեջանի դիրքորոշումն արդեն անհասկանալի է միջազգային հանրության համար։ «Մի ժամվա ընթացքում Ադրբեջանի նախագահը կարող է հայտնի կապի միջոցներով կապ հաստատել եւ ասել՝ եկեք քննարկենք ստորագրման ձեւաչափը, տեղը, եւ հայկական կողմը կստորագրի»,- ասաց նա։
Հարցին, արդյոք նման պահանջ ներկայացվո՞ւմ է պայմանագրի նախագծում, որ ադրբեջանցիները գան ու ապրեն Հայաստանում, Ալեն Սիմոնյանը պատասխանեց․ «Չկա նման պահանջ»։
Անդրադառնալով Ալիեւի հայտարարություններին ՀՀ տարածքի մասին՝ Ալեն Սիմոնյանն ասաց․ «Ես կարծում եմ, որ այն շրջանակները, որոնք պատմական հայրենիքի փնտրտուքի մեջ են Ադրբեջանում, պետք է շատ չտարվեն դրանով, որովհետեւ կարող է պարզվել, որ պետք է գնան Ալթայում ապրեն։ Այդ խաղաղության պայմանագրի նպատակը ֆիքսելն է, որ Ադրբեջանը մեր նկատմամբ պահանջ չունի, մենք իրենց նկատմամբ պահանջ չունենք»։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
