«Մենք գրեթե 700 տարի հետո սպարապետի գլխավորությամբ կարողացանք համախմբվել, տանել հաղթանակ,բայց էլի մեր խելքից մեր նախանձից, ներքին դավաճանությունից չկարողացանք մենք այն պահել, պաշտպանել: Հաղթողը միշտ ժպտում է, ժողովուրդը հաղթանակի բերկրանքը չհասկացավ, չպատկերացրեց, չթողին՝ հասկանա: Տեղի ունեցավ հոկտեմբերի 27-ը, այսօր ունենք այն, ինչ ունենք»,- Աջափնյակ վարչական շրջանում Աջափնյակի երկրապահների նախաձեռնությամբ կառուցված մատուռի բացման ու օծման արարողության ժամանակ ասաց ԵԿՄ վարչության նախագահ Սասուն Միքայելյանը:
Սասուն Միքայելյանի խոսքով, երկրապահները 44-օրյա պատերազմից մինչեւ այսօր մարտական հերթապահություն են իրականացնում ՀՀ պետական սահմանի 6-7 ուղղությամբ. «Մեր հիմնական գերխնդիրը Սյունիքն է. 2020 թվականից երկրապահը մեծ թվաքանակով պահում է Հանդ գյուղը, ամենադժվարին, դաժան տեղն է»:
Վերջում Սասուն Միքայելյանը խաղաղություն մաղթեց բոլորի ընտանիքներին, ասաց համախմբվել է պետք, մենք դեռ դժվարին ժամանակներում ենք ապրելու:
Կարդացեք նաև
Արփինե ՍԻՄՈՆՅԱՆ
