«Ֆորմալ հրավերը ոչինչ չի փոխում եկեղեցու դիրքորոշումների մեջ։ Մեր դիրքորոշումն ինչպիսին եղել է, շարունակում է այդպիսին լինել»,-լրագրողների հարցին՝ արդյոք եկեղեցու վերաբերմունքը ՀՀ գործող իշխանությունների նկատմամբ փոխվե՞լ է և եկեղեցին շարունակո՞ւմ է իշխանության հրաժարականը պահանջել, Վարագա Սուրբ Խաչի տոնին Մայր Տաճարի վերաօծման արարողության և Հայրապետական Սուրբ Պատարագից առաջ լրագրողների հետ ճեպազրույցում այսպես պատասխանեց Արշակ արքեպիսկոպոս Խաչատրյանը։
Լրագրողները հիշեցրին՝ երեկ Վեհափառը ներքաղաքական կյանքում միասնականության կոչ արեց և հարցրին՝ ինչպե՞ս կմեկնաբանեք, սրբազանը պատասխանեց․ «Կարծում եմ՝ Վեհափառի պատգամն այնքան որոշակի ու կոնկրետ էր, որ այլևս մեկնաբանության տեղ չի թողնում։ Համերաշխություն, միաբանություն․ ինչպե՞ս մեկնաբանեմ այլևս»։
Այն փաստմանը՝ ՀՀ երեք նախագահները մեկ տեղում չեն կարողանում գտնվել, սրբազանն այսպես արձագանքեց․ «Համերաշխությունն արժեքների և սկզբունքների շուրջ պետք է ձևավորվի»։
Հարցին՝ արդյոք իշխանությունների մասնակցությունը Մայր Տաճարի վերաօծման արարողությանը կարո՞ղ է կոտրել պատնեշը, որն առաջացել է եկեղեցու և ՔՊ-ի միջև, Արշակ սրբազանը դժվարացավ պատասխանել ու ասաց․ «Ինտելեկտս չի բավարարում»։
Կարդացեք նաև
Տաթև ՀԱՐՈՒԹՅՈՒՆՅԱՆ
