Լոս Անճելըսի քաղաքապետական խորհուրդի նախագահ Փօլ Գրիգորեան 24 Սեպտեմբերին, Փոքրիկ Հայաստանի մէջ գտնուող «Հորիզոն» կայանէն «Ասպարէզ»ի խմբագիր Արա Խաչատրեանի հետ հարցազրոյց մը ունեցաւ։
Հարցազրոյցին ընթացքին Գրիգորեան նաեւ խօսեցաւ Հայկական Հարցը ջատագովելու նպատակով իր ջանքերուն մասին, որոնք ոչ միայն քաղաքին, այլ նաեւ նահանգային իշխանութիւններուն զօրակցութիւնը ապահովեցին, յատկապէս Հայոց Ցեղասպանութեան ճանաչման եւ Արցախի ինքնորոշման իրաւունքը պաշտպանելու գծով։
Նշենք, որ Գրիգորեանի ջանքերուն շնորհիւ, Լոս Անճելըսի քաղաքապետական խորհուրդը ճանաչում շնորհեց Արցախի անկախութեան, որմէ ետք նահանգային օրէնսդիր մարմինը եւս ճանչցաւ Արցախի անկախութիւնը։ Այնուհետեւ կարելի եղաւ Շուշիի եւ Լոս Անճելըսի միջեւ հաստատել «Բարեկամ քաղաք»ի յարաբերութիւնը, որուն շնորհիւ Շուշիի մէջ Բարեկամութեան հրապարակը բացուեցաւ։ Արցախի հայաթափումէն ետք, Գրիգորեան Լոս Անճելըսի մէջ «Արցախի Հանրապետութեան Հրապարակ»ը հաստատելու ծրագիրը յաջողեցաւ իրականացնել, Ուիլշըր եւ Կրենվիլ թաղերու խաչմերուկին, Ատրպէյճանի հիւպատոսարանին դիմաց։
Գրիգորեան նաեւ կենսական դերակատարութիւն ունեցած էր Հայոց Ցեղասպանութեան հարիւրամեակին առիթով կազմակերպուած «Արդարութեան քայլարշաւ»ին իրականացման մէջ։ Այդ քայլարշաւին իրենց մասնակցութիւնը բերին շուրջ 160,000 անձեր։
Հոդվածն ամբողջությամբ՝ «Ասպարէզ» թերթի այս համարում
