Արդեն տևական ժամանակ է՝ Shamshyan.com-ը բազմաթիվ հեռախոսազանգեր է ստանում վարորդներից, ովքեր իրենց զայրույթն են հայտնում, որ պատասխանատուները քար անտարբերության են մատնել նաև Դարբնիկ գյուղից դեպի Հովտաշատի ճանապարհին սովետական տարիներին կառուցված կամուրջի վերանորոգումը, մինչդեռ ամեն պահին կա բավականին լուրջ վտանգ, որ այն հնարավոր է փլուզվի։
Կամուրջի վրա եղած մի քանի մետր երկարությամբ անցքը ասես ճանապարհ բացի դեպի անկենդան աշխարհ ու մարդիկ կամրջի վրայով երթևեկելիս հիմնականում գիշերային ժամերին խաչակնքվում են, որպեսզի չհայտնվեն այդ մեռյալ աշխարհում։
Քաղաքացիները ասում էին․ «Օրերս կառավարության նիստերից մեկի ժամանակ լսեցինք վարչապետ Նիկոլ Փաշինյանի խոսքը, որ հայերս սիրում ենք երկու բան արագ անել, մեկը՝ ավտո քշելն է, մեկ էլ ճաշի սեղանի շուրջ ենք արագություն բացում, մտածեցինք, որ, իրոք որ, Փաշինյանը չի սխալվում։ Երևի էս մեր Տարածքային կառավարման ու ենթակառուցվածքների նախարար Գնել Սանոսյանը, Արարատի մարզպետ Սեդրակ Թևոնյանը և «Ճանապարհային դեպարտամենտի» պատասխանատուները միայն լավ արագ ավտո են քշում ու լավ արագություն են բռնում սեղանի շուրջ, իսկ այս դեպքում, որ կամուրջները ամեն պահին հնարավոր է՝ դառը ողբերգության պատճառ դառնան։ Վերանորոգման գործում առաջնորդվում են կրիայի հոգեբանությամբ, բայց կրիան գոնե դանդաղ հասնում է ապահով վայր, իսկ այս դեպքում, չգիտենք՝ կհասնենք, թե՝ չէ։ Այդ թվում՝ քաղաքացիներ տեղափոխող տրանսպորտային միջոցները»։
Նյութն ամբողջությամբ՝ սկզբնաղբյուր կայքում
