«Այն թեզը, որ եկեղեցին քաղաքականության մեջ չի խառնվում, եթե եկեղեցին պահանջում է Նիկոլ Փաշինյանի հրաժարականը, դա ի՞նչ է: Եթե պահանջում ես հրաժարականը, դա արդեն քաղաքականության մեջ է, մարդիկ եկել, միացել են, դա աջակցությո՞ւն է, թե՞ աջակցություն չէ: Ես կարծում եմ՝ աջակցություն է»,- այսօր Եռաբլուրում լրագրողների հետ զրույցում ասաց ԱԺ «Հայաստան» խմբակցության պատգամավոր Գառնիկ Դանիելյանը՝ անդրադառնալով Միքայել սրբազանի հայտարարությանը, թե եկեղեցին ի սկզբանե չի սատարել «Սրբազան շարժմանը»:
Պատգամավորի կարծիքով՝ քաղաքական դաշտը խորը բուժման կարիք ունի. «Եթե մենք մի բանի մասին խոսում ենք, եթե ասում ենք, որ երկիրը գնում է կործանման, դրան համապատասխան քայլեր պիտի ձեռնարկվեն: Ամեն մեկն ինչ ասում է դրա տերը պետք է լինի, ինչ խոսում է, դրան պետք է հաջորդի գործը»:
Արփինե ՍԻՄՈՆՅԱՆ
